Home General Introduci Ley Inventario Financiero pa cambio di gobierno

Introduci Ley Inventario Financiero pa cambio di gobierno

99
0
SHARE
- Advertisement -

Cambio gobernacion 2017 a laga Aruba sin rumbo y den caos

*Gobierno anterior a laga Bo Aruba, Presupuesto 2018 y SADA pendiente 

ORANJESTAD (AAN) — “Mester introduci un Ley cu ta regla e traspaso di un gobernacion pa otro. Loke a pasa na 2017 hamas mester ripiti. Gobierno anterior no a entrega ningun clase di inventario pero mas bien a laga Aruba den un suspenso total di e realidad financiero, economico y social di e pais. Mester introduci e ley cu ta exigi gobierno saliente entrega un inventario di loke e ta laga como herencia.”

Na 2017 ainda Aruba tabata biba cu e creencia cu futuro lo tabata yena cu bonansa. Aruba a baila pa drenta eleccion 2017 sin ta na haltura di loke tabata spera.

Informantenan cu a guia DIARIO den e proceso pa informa pueblo di Aruba riba realidad di e pais, ta di opinion cu loke a pasa na 2017 nunca mester ripiti den historia.

“Gobierno Eman a baha sin laga un presupuesto pa 2018. Ora e Gobierno Wever-Croes a asumi poder na fin di 2017, e no tabata tin ningun nocion oficial di loke tabata spera. Cu por a spera caos, tabata conoci. Con grandi a bira realidad ora rapport tras di rapport a cuminsa drenta di instancianan oficial,” informantenan a mustra.

Cu placa a wordo gasta sin reserva ora a crea e debe nacional, sigur a bini dilanti den e rapport di Algemene Rekenkamer Aruba riba “Bo Aruba” cu a condena e forma cu a atende cu 1.6 Biyon di Aruba.

A resulta cu mester a cambia e Presupuesto 2018, cu contra regla oficial no a wordo trata na 2017 door di gobierno anterior pasobra e no tabata cuadra cu realidad. Awe e exigencia di Duana a base di mehoracion di nan entrada segun un acuerdo cu gobierno anterior a firma cu nan, ta splica con gobierno Mike Eman a hala atras di gobernacion.

“Gobierno actual a haya un Aruba sin rumbo y den un caos total,” informantenan a indica.

A wordo mustra cu por papia hopi pero mester tuma pasonan concreto. Mester cambia Ley di tal forma cu ora un gobierno baha e mester entrega un inventario financiero y economico.

Segun expertonan leynan basico ta exigi gobierno cumpli cu tur condicion cu ta evita pa continuidad di gobernacion bira problema.

Esaki ta encera pues cu no ta sinta spera riba relato anual di e pais cu ta drenta despues di un aña, pero e gobierno saliente ta entrega tur informacion riba estado di e pais cu manera awor ta keda demostra, mester wordo presenta periodicamente na Parlamento pa e sistema di Aruba funciona.

E experiencia di Aruba ta exigi cambionan den Ley pa sigura cu e bienestar di e pais y e pueblo ta wordo sigura, ta e mensahe cu DIARIO a ricibi.

- Advertisement -

DUNA COMENTARIO

Please enter your comment!
Please enter your name here