Home arte y espectaculo Janiro Eisden “AtaNiro” cu record den Top 40 na Magic FM

Janiro Eisden “AtaNiro” cu record den Top 40 na Magic FM

133
0
SHARE
- Advertisement -

ORANJESTAD (AAN): Aruba su talento local Janiro Eisden ta bira e prome artista den historia di Top 40 pa logra 117 siman non stop den e conteo semanal Aruba’s Top 40 presenta pa Reno Irausquin cu varios tema musical.

E artista cu tabata posee e record aki ta e artista international Daddy Yankee .  Interesante pa remarca cu AtaNiro a subi e cartelera di Top 40 desde 22 di July 2017 cu e tema “Faithful” hunto cu Zyon, Dia 21 di October 2017 Ataniro y Zyon ta subi top 40 cu e tema “Palo”,  Dia 19 di Mei 2018 e tema “Ora bo tabata Dimi” hunto cu Zyon, 26 October 2018 a drenta e tema “Vitamina” tambe hunto cu Zyon y dia 29 December 2018 AtaNiro ta lansa otro cañonaso cu Chris Stricky Zyon yama “Fuerte Pabo” cu a dal fuerte.

Aña 2019 tambe Ataniro a lansa otro hit titula “Te Paden” hunto cu Getamilly cu a causa un locura y 14 di Juni 2019 e tema “Batie cu Logro” cual Ataniro a presenta hunto cu Adje a dal bon tambe pa mantene simannan largo riba Top 40 y keto bai awe 18 di October “Batie cu Logro” ta den e top 40… Sigur esaki ta un Logro pa Ata Niro.

Den un entrevista el a comenta cu e ta sinti masha honra di por tin e “Top 40 Record” y a comenta pa tur fanatico di su musica keda pendiente paso lo tin hopi mas exito na caminda.

Mester duna un mencion special tambe na Zyon, un hoben tambe cu ta posee un gran talento mirando cu 5 di e temanan aki su persona tambe tabata parti di dje.

Sigur e noticia aki ta uno masha grato mes mirando cu tin talentonan local cu ta produci temanan super exitoso. Y AtaNiro tin varios otro temanan tambe cu otro artistanan cu a sa di marca posicionnan halto den Top y ta un figura conoci na Aruba, Curacao, Bonaire, St Maarten y Hulanda.

Di parti produccion team di Top 40 encabesa y presenta pa Reno Irausquin, Magic FM y sigur DIARIO ta manda un palabra di Pabien na e Leyenda local cu keto bay ta destaca Janiro “AtaNiro” Eisden.

- Advertisement -

DUNA COMENTARIO

Please enter your comment!
Please enter your name here