Home Parlamento Jennifer Arends-Reyes ta mustra cu e errornan y ahustenan den salarionan di...

Jennifer Arends-Reyes ta mustra cu e errornan y ahustenan den salarionan di maestronan no mag di continua

43
0
SHARE
Processed with MOLDIV
- Advertisement -

ORANJESTAD (AAN): Jennifer Arends-Reyes di AVP, a splica DIARIO cu e tin e impresion cu di berdad Enseñansa ta bou atake y ta keda haya hopi sla for di gobierno di MEP POR RED. Gobierno ta anuncia un cambio despues ta suspende y bisa tur cos a keda mescos pero na final toch ta voer e door.

Un ehempel bibo ta ora cu a anuncia cu lo bay corta gasto drastico pa Enseñansa y cueste loke cueste ta bay corta den overuur di maestronan. Minister a duna instruccion per direct den un carta manera aña escolar a habri cu lo corta riba 15 miyon den salario di maestronan na overuur of taakuur, despues Minister a sali afor y bisa cu no lo haci’e y tur cos ta cana normal.

Scol a habri na augustus y ya pa e payroll di september despues di e manifestacion di maestronan, casualidad of no, maestronan na Aruba a haya un sla grandi y a nota cu tur falta sumanan cu ta varia entre 80 Florin te sumanan cu ta yega 1.200 Florin cu a conta riba dj’e cu ya a trah’e caba na augustus.

A bisa den media cu lo ta fout di Financiën pa cu e NPR e nieuwe pensioen regeling cu ta e sumanan cu por yega te fls.100,- cu falta. Tambe tin maestronan cu a haya via email cu nan lo worde paga retroactivo locual nan falta te na fin di oktober pa motibo cu Minister a cambia su beleid di overuur y taakuur Y nan lo ta bezig cun’e. E sumanan mas grandi tin que haber cu of overuur of toelagenan riba nan salario cu nan no a ricibi tambe lo no perde.

Despues di algun siman a sali den media cu tur maestro lo ser paga locual nan falta, tur maestro a keda den tension door cu un suma di mil Florin of mas no ta wega y nan tambe tin nan responsabilidadnan financiero pa cumpli cun’e.

Esnan cu tabata falta e suma di NPR cu no ta pasa 100,- a haya nan sen laat, esnan cu a cobra salario basico tin algun cu a haya locual nan tabata falta y tin algun maestro cu ainda awe no a ricibi ningun sen extra pa motibo cu despues cu scol a cuminsa, despues cu tabata tin un acuerdo cu nan cabesante y a traha e over uur y taak uren nan, nan ta tende cu e ‘spelregels’ a worde ahusta toch. Nan no lo haya e taakuur of overuur nan ey mas paga pa motibo cu e stichting ta pidi pa bezuinig.

Tur e cambionan aki y tardansa a pasa sin cu nan a ricibi un specificacion detaya di e suma cu nan a haya back si nan a haya algo back. Maestronan a cobra sin haya un salaris slip digitalmente of hard copy manera costumber. E pregunta e ora ey ta keda dikon maestronan ta worde trata asina na Aruba?

Di con ta net maestronan mester ta e dupe di tanto decisionan desventahoso. Di mes cu tin un scarcedad enorme na maestro na Aruba, si nan bay manifesta nan ta worde lastra den media cu nomber pa politiconan cu ta sostene gobierno, riba social media tur e fake accountnan liga na Ministernan y partidonan ta conosi ken ta nan tras y nan ta scohe pa intimida maestronan cu ta atende reunion prome cu a bay manifesta.

Asina ki si ta dificil pa Aruba por sigui llama su mes un pais liber y democratico. Na Aruba na e momentonan aki hasta companianan cu vocifera nan mes contra un maneho di gobierno ta worde intimida of ta saca informacionnan di nan. Tur persona of grupo cu ta sinti nan mes cu nan lo kier vocifera nan opinion mester tin e espacio pa haci esaki, ta nan pleno derecho.

Awor ta keda un yamado na e maestronan pa no acepta e mal trato cu net Enseñansa ta sufriendo, mientras Enseñansa no mag gasta fondo pa renoba algun scolnan cu mester un renobacion grandi, otro Ministerio si ta bayendo den procesonan pa bidding pa un centro di 80 miyon den un PPP constructie.

Mientras Enseñansa mester cremencha y maestronan ta keda haya sorpresa desagradabel, otro companianan cu gobierno ta subsidia si ta buscando mas fondo na Parlamento pa percura pa salario di trahadornan.

Maestronan den un manifestacion ultimo a pidi pa Parlamento llama un reunion publico prome cu vakantie di oktober y aki tambe nan no a haya oido. Scucha nan ta un y haci trabao di nan peticion ta otro. Minister tabata den exterior, a bolbe y ya practicamente vacacion escolar pa oktober ta bay cuminsa y nada di reunion cu nos maestronan a pidi.

Ta sumamente lamentable cu pais Aruba a yega na un punto asina cu ta corta den Enseñansa, nos futuro. Cada inversion den Enseñansa bo lo cosecha back y den caso cu ta sigui trata maestronan asina y ta corta den Enseñansa e repercusionan di e decisionan aki lo bin pa nos comunidad despues sra Arends-Reyes ta termina

- Advertisement -

DUNA COMENTARIO

Please enter your comment!
Please enter your name here