Home Policial Kustwacht a intercepta Tugboat cu mas di 2.2 tonelada di droga

Kustwacht a intercepta Tugboat cu mas di 2.2 tonelada di droga

1296
0
SHARE
- Advertisement -

Cinco Venezolano deteni

ORANJESTAD(AAN):  Den horanan di marduga di Diadomingo pa Dialuna,  Kustwacht a detecta un boto cu tabata navega den awanan teritorial di Aruba.

E boto, un asina yama Tugboat cu e nomber ‘GRACIA’, tabata tin un bandera di Samoa.

Despues di intercepta e barco, Kustwacht a hiba esaki pa Paardenbaai pa un examinacion mas profundo.

Douane, Arumil, KPA (Brigada K9 y Unidad Crimen Organiza), Husticia BOT K9 y Kustwacht a coopera hopi bon y den esaki a encontra un cantidad grandi di droga abordo di e Tugboat.

Mirando esaki, a dicidi di hiba e barco pa Marinierskazerne na Savaneta pa mas investigacion.

Eynan a wordo constata cu tabata trata di 2.200 kilo di droga.

Despues di pisa e droga, a encontra algun pakete extra di droga den e barco.

Testnan preliminario ta indica cu muy probablemente ta trata aki di cocaina.

E tripulacion di 5 persona, tur di nacionalidad Venezolano, a wordo deteni y entrega na Cuerpo Policial.

- Advertisement -

DUNA COMENTARIO

Please enter your comment!
Please enter your name here