Drs. Robert Wever:
ORANJESTAD (AAN) – Drs. Robert Wever, director di Laboratorio di Servicio, den entrevista cu DIARIO a duna di conoce cu dia 29 di September ultimo, a wordo acredita door di Nederlandse Raad voor Accreditatie.
NRVA ta e unico instancia na Hulanda autoriza pa acredita laboratorionan medico, y consecuentemente ora cu Laboratorio di Servicio ta acredita pa dicho entidad, esey kiermen cu e ta di mesun nivel cu e laboratorionan medico acredita na Hulanda.
Laboratorio di Servicio tin siete aña cu ta operando na Aruba, y cada dia ta haci su esfuerzo pa sigui mehora.
E ubicacion principal ta na Eagle y nan tin diez branch reparti den e Isla, unda e clientenan por bay haci nan tests, sea den Prik Post na diferente docter di cas of dos boticanan di servicio cu ta partner. Aseguradonan di AZV tambe por haci uso di Laboratorio di Servicio pero tambe personanan particular.
