Home General Ley ta exigi Parlamento defende propiedad di pueblo

Ley ta exigi Parlamento defende propiedad di pueblo

76
0
SHARE
- Advertisement -

Resumen

AVP awe ta predica e forma cu el a faya cu pueblo den Parlamento 

*Pueblo mester wordo informa di tur investigacion

*Den Parlamento Mike tin herment pa investiga tur hende

 Ta di lamenta cu politiconan cu pueblo a eligi pa defende su interes den Parlamento, awe ta bay contra un di e debernan mas grandi cu miembronan di Parlamento tin, cu ta defende placa y propiedad di Aruba.

E forma cu AVP a bini dilanti ayera despues cu un investigacion a wordo haci riba iregularidad cu terenonan di Aruba, a bay contra e trabou principal di Parlamento.

Hasta menasa absurdo a cay den presentacion di AVP, cu a haci uzo di su lider cu no kier ta den Parlamento caminda e no ta depende di Ministerio Publico pa investiga kico ta pasa cu placa y propiedad di Aruba.

E imagen cu AVP a presenta na Aruba, cu ta den dolor inmenso pa e medidanan cu mester tuma, ta crea e impresion cu un grupo cu no a faya cu pueblo.

Mientrastanto rapportnan ta acusa e miembronan di parlamento di AVP directamente di a permiti loke ta pasa cu Aruba awe.

Den caso di Citgo, den caso di e proyectonan di abuso di placa di pueblo Bo Aruba, e mayoria di AVP den Parlamento a keda keto mescos cu el a haci den tur loke su dirigentenan den gobierno tabata haci contra interes di Aruba.

Ta un berguensa cu politiconan, miembro di Parlamento, ta presta nan mes pa para rond di nan lider di partido, pa eleva su posicion den pueblo.

Mike Eman no tin titulo na e momentonan aki na Aruba. E no ta lider di oposicion di Parlamento cu el a menosprecia na su fabor.

Hipocrita ta e forma cu ta wordo papia riba investiga casonan den cual gobernantenan ta envolvi, mientras ley ta exigi esaki.

Ley ta exigi pa Parlamento haci uzo di su derecho pa pone hende bou huramento presenta berdad den investigacionnan Parlamentario.

Ley no ta destrui cara di hende, pasobra ley no ta basa riba practica mafioso. Ley ta sirbi interes di pueblo cu mester ta completamente na haltura di loke ta pasa cu su placa y propiedad.

Den caso cu tin cualkier indicacion, investigacion mester wordo haci. Esaki ta e tarea principal di Parlamento cu tin e deber di pidi Husticia persigui loke ta malo.

Algemene Rekenkamer Aruba ta encarga cu investigacionnan cu mester ta publico pa asina pueblo, cu ta dicidi riba Aruba, por ta na haltura.

Ta tristo loke a pasa e siman aki den Parlamento, caminda bienestar di pueblo mester wordo sirbi.

- Advertisement -

DUNA COMENTARIO

Please enter your comment!
Please enter your name here