Home Bites Lindy Boutique a habri su portanan den Antraco Plaza

Lindy Boutique a habri su portanan den Antraco Plaza

254
0
SHARE
- Advertisement -

ORANJESTAD (AAN): Recientemente den presencia di Prome Minister Evelyn Wever Croes, famia y amistadnan a tuma e soft opening di Lindy Boutique den Antraco Plaza. Pastor Toti a bendiciona e boutique y asina oficialmente Lindy Croes, propietario di Lindy Boutique, a habri portanan di su tienda.

Lindy su tienda tin ya caba 2 aña di existenicia y tabata situa den centro di Oranjestad bou di e nomber Lindy Lifestyle Boutique.

Loke a cuminsa como un soño di un boutique chikito a crece y bira un tienda cu paña di ultimo moda, sapato, acesorio, tasnan vegan y basicamente tur producto di moda.

Den 2 aña Lindy a sa si posiciona su mes como un di e grandinan den e mercado di moda na Aruba organisando mode shows den caya principal y tambe esun mas recien introduciendo su coleccion nobo, cu tabata e street runway show den e caya di Hendrikstraat.

Loke ta hacie Lindy su tienda diferente ta cu e tin paña cumindando di size XS y ta bay te cu 6XL, pues pa tur curva tin un paña na Lindy. Recientemente Lindy a lansa tambe su propio liña di perfume “The Woman” un eau de parfume produci na Italia.

Cu tempo e tienda den e localidad den Hendrikstraat a bira chikito pa tur Lindy su ideanan di moda y pone banda di esaki e problematica di parkeo, Lindy a dicidi di busca un localidad mas amplio pa por sigui brinda su distinguido clientela cu articulonan di moda di mas nobo, teniendo semper e bon prijs na cuenta.

Asina a logra yega na e ubicacion nobo y e concepto moderno di Lindy Boutique, situa riba LG Smith Boulevard, den Antraco Plaza.

E grand opening ta planea pa dia 7 di december cual dia lo bay tin tambe un gran show di moda. Aruba ta keda invita pa bishita Lindy Boutique ya cu semanalmente e ta ricibi cargamento nobo di paña y acesorio.

- Advertisement -

DUNA COMENTARIO

Please enter your comment!
Please enter your name here