Home Policial Lito Lacle: “75% di e atraconan ta wordo cometi door nos mesun...

Lito Lacle: “75% di e atraconan ta wordo cometi door nos mesun hendenan”

1382
0
SHARE
- Advertisement -

Atraco Team: 40 atraco a tuma lugar den transcurso di 2019

ORANJESTAD (AAN):  Vocero di Cuerpo Policial, Lito Lacle, a duna di conoce cu te cu ayera dialuna tabata tin 40 detencion di cual 30 ta arubiano, 4 ta dominicano, 5 venezolano y 1 colombiano.

Si wak bon, 75% di e atraconan ta wordo cometi door nos mesun hendenan, a remarca.

Segun datonan di Atraco Team, te cu dialuna tabata tin un total di 40 atraco pa loke ta bay 2019.

E ultimo 6 atraco ta di 12 di September 2019 te cu diabierna ultimo cu tabata e ultimo atraco cu a tuma lugar aki na Aruba. Tur 6 atraco ta pariba di brug y a sosode na supermercado of un bar.

Den e 6 atraconan aki detencionnan a tuma lugar. Despues di diabierna cu tabata tin e ultimo atraco na Savaneta, 3 am e prome detencion a cay na Caya Saba. E dia ey tabata tin un entrada hudicial na tres diferente lugar; Caya Saba, Caya Bonaire den Village y Pos Chiquito, a bisa.

Segun Lacle, no ta descarta cu mas detencion ta bay tuma lugar. Dos peticion pa detencion di dos persona mas y mas peticion ta bay sali den transcurso di siman.

Ministerio Publico ta lidera cada investigacion penal y cada bes Polis tin cu haya suficiente prueba pa por haya e permiso di Ministerio Publico pa bay over na e detencion di e personanan aki, a remarca.

Ta bon pa treci dilanti cu den e caso na Savaneta a detene un mucha muher arubiano di 19 aña y e edadnan di e otro personanan tambe ta relativamente jong, rond di 18 y 19 aña, y tambe arubiano,  Lito Lacle a agrega.

- Advertisement -

DUNA COMENTARIO

Please enter your comment!
Please enter your name here