Home Enseñanza *maestronan ta hayando training con pa duna les riba e borchinan digital

*maestronan ta hayando training con pa duna les riba e borchinan digital

101
0
SHARE
- Advertisement -

Pa otro aña tin mas cu 100 Digi Boards cu ta bay wordo uza na nos scolnan

ORANJESTAD(AAN): Diahuebs Minister di Enseñanza Rudy Lampe a trece dilanti cu parti di e material cu a wordo manda for di Hulanda pa yuda den enseñanza ta dos asina yama Digi Boards.

“Nos ta bay uza e Digi Boards como ehempel pa cuminza duna training na nos muchanan, na dos diferente scol”.

“Nos a haya eseynan gratuitamente y nos kier anuncia tambe cu e siman aki e prome 10 Digi Boards completamente nobo a yega Aruba”.

“Esey ta un inversion cu nos di parti di ministerio di Enseñanza ta haciendo pa nos scolnan”.

Esaki segun Lampe, kende a indica cu e Boards aki ta bay yuda enrikece  nos sistema di educacion.

“ Den e Plan Educacion Nacional 2030 cu nos a anuncia e palabranan Digitalizacion di Enseñanza ta clave”.

Esaki segun e mandatario, kende a indica cu enseñanza mester drenta e era di digitalizacion y pesey mester cuminza siña nos muchanan tur e hermentnan aki, cu ta bay ta indispensable pa nan sobrevivencia den futuro.

E 10 Digi Boards ta bay wordo instala na 9 scol publico y Biblioteca Nacional.

Esaki pa cuminsa duna training na e docentenan, riba con nan por uza e Digi Boards.

Lampe a indica cu a order caba mas di 100 Digi Boards, cu ta bay bin na mayoria di e scolnan publico otro aña.

“Esaki ta bay ta un instrumento importante pa e proceso di innovacion cu nos ta bezig cune”.

“Djis pa duna un ehempel, door cu e Digi Boards ta conecta, maestronan cu produci material y lesnan na Papiamento, por ‘share’ e materialnan aki cu otro docente y scolnan”, segun Lampe, kende a laga un di e miembronan di e comision di Digitalizacion duna un presentacion na prensa durante e conferencia di prensa.

E mandatario a indica tambe cu e edad no ta conta den e reto di digitalizacion y pesey Jacqueline Woodley ta siña hendenan 60 plus con pa haci uso di herment y artefactonan digital.

Woodley, kende tabata presente na e conferencia di prensa, a caba di certifica mas cu 30 persona 60 plus, cu na Biblioteca di San Nicolas a ricibi un curso di digitalizacion.

Woodley a splica cu te hasta tabata tin un persona di 90 plus cu a participa exitosamente.

- Advertisement -

DUNA COMENTARIO

Please enter your comment!
Please enter your name here