A comparti e compromiso nutricional cu e Happy Meal tin pa cu famianan
ORANJESTAD (AAN): Diasabra, dia 28 di september, McDonald’s a celebra nan International Open Doors Day. Un iniciativa cu ta permiti e clientenan bishita e cushina di McDonald’s durante henter aña. Asina aki nan por wak con tur cuminda ta wordo prepara cu ingredientenan fresco y segun standard di calidad halto.
En conexion cu e International Open Doors Day, McDonald’s a organisa un atardi informativo tocante nutricion na nan restaurant na Seroe Blanco jama #HappyTipsDay. E enfoke tabata riba e valornan nutricional di e Happy Meal y con pa biba un bida mas saludabel.
Mary-Lou de Windt, un Nutritionista Acredita riba nos isla a splica tocante e cambionan cu a wordo implementa na aña 2018.
El a focus riba e valor di tin un nutricion balansa y tambe a splica na e mayornan cu ta importante pa e muchanan tin un estilo di bida activo. Tambe Mary-Lou a elabora riba e cambionan den e Happy Meal. E refresco a wordo reemplasa pa juice, e tamaño di e batata hasa a wordo reduci y awo tambe e muchanan ta ricibi un yogurt den nan Happy Meal.
Na aña 2018 McDonald’s a anuncia mundialmente nan compromiso pa cu famianan. Esaki ta inlcui e criterianan nobo pa e Happy Meal, reduciendo asina e cantidad di caloria, vet, sodio y sucu. Tambe na aña 2013 McDonald’s a cuminsa traha cu ‘Alliance for a Healthier Generation’ pa desaroya un plan completo pa crea mas acceso na fruta, berdura, productonan di lechi cu menos vet y awa pa e muchanan.
“Como un di e restaurantnan mas frecuenta rond di mundo, McDonald’s ta reconoce e oportunidad cu nos tin cu famianan. Ofreciendo nan opcionan mas balansa door di inclui e gruponan di cuminda recomenda y ingredientenan mas simpel cu e muchanan y mayornan ta gusta.” Nurdrey Granviel , Operations Coordinator di McDonald’s a comenta.
McDonald’s ta lider den crea transparienca pa cu su clientenan, e ta e prome restaurant di servicio rapido cu ta comparti e valornan nutricional di tur menu y e unico restaurant cu ta duna e cliente e oportunidad di por drenta nan cushina atravez di ‘Open Doors’.
Despues di e presentacion informativo di #HappyTipsDay, e muchanan a disfruta di un atardi cu diferente wega y tambe pintamento cu a sinja nan mas tocanto cuminda saludabel.
