ORANJESTAD (AAN): E siman aki, e simpatica Heidy Winklaar a corda e hecho cu 25 aña pasa el a drenta den servicio di e pacus mas stima pa pueblo, esta Giselle Department Store na Noord.
Heidy ta un persona special, kende a bay hopi dilanti den bida. Ora el a cuminza na Giselle Department Store, e no tabata sa comunica. Su coleganan a yude, te cu el a logra cuminza papia bon.
A ser splica na DIARIO, cu tempo el a cumpli 18 aña di edad, e mester a sali for di Kinderhuis Imeldahof y e ta biba na San Nicolas. Nan a bise pa e busca un trabao Pariba di Brug. El a yora y bisa cu e lo tuma Bus, y esey ta cos cu el a haci tambe.
Despues Sjabururi a yuda su mama (q.e.p.d.) cu tabata mas special, haya un cas cu subsidio di FCCA na Jaburibari.
E directora di Kinderhuis Imeldahof, juffrouw Natalia te ainda ta yuda Heidy maneha su placa, y juffrouw Mirta ta cla pe, ora e mester.
Na Giselle Department Store, Heidy ta traha como inspakter, pero e tin mas di 4 responsabilidad cu e ta cumpliendo hopi bon cu nan.
DIARIO como tambe tur su hefe y coleganan, ta desea Heidy hopi aña di servicio mas cu Giselle Department Store.
