ORANJESTAD (AAN) – Diabierna ultimo a tuma luga e World Taekwondo President’s Cup y Aruba a participa cu 3 atleta, e rumannan Klabér y Monica Pimentel.
Jourdé Klabér a wordo derota pa 600 gram door di e weegschaal. Un decepcion grandi pa ex campeon Mundial coach Olimpico Hall of Fame Henk Meijer. Jourdé Klabér a wordo sanciona pa e stunt aki tambe.
Záhyon Klabér a duna un tremendo bataya contra di Ismael Yacouba di Nigeria cu a gana medaya di brons. Záhyon Klabér a perde 25-13 for di Ismael Yacouba.
Ismael Yacouba ta un atleta cu Záhyon Klabér a train hunto cune na e Winter Camp na Friedrichshafen Alemania. Henk Meijer a keda satisfecho cu e resultado, mirando un crecemento den Záhyon Klabér.
Monica Pimentel a perde 17-10 contra di Devon Lewis di Merca. Monica Pimentel sa bringa normalmente -49 y -53 kilo y a tuma e reto e biaha aki di bringa -57 kilo pa asina midi forsa.
Awo cu e resultado aki Monica Pimentel ta evalua su posicion pa clasifica pa e Weganan Olimpico 2020 cu ta na luna di Maart na Costa Rica.
