ORANJESTAD (AAN): Diasabra ultimo, riba linear park a tuma lugar e sorteo final di e rifa di Mustang Sport Boys, cu entretenimento musical pero tambe cu un tremendo show di auto.
Un linear park cu sigur mas cu 100 auto. Tambe por a tuma nota presencia di algun motorcyle club, cu a display nan brommer nan usando lus nan special pa pone enfasis riba e design y pintura di nan brommer
Esnan cu a bin presencia e car show a haña chens di saca potret, wak interior di e autonan, varios a te hasta habri e hood pa asina por a wak kico tur tin den e motor di e auto. De ves en cuando por a scucha tambe algun tabata wordo sendi, pa hasi tiki “desordo” cu e motor.
Den su totalidad Mustang Sport Boys ta mira atras riba un evento super exitoso, cual unicamente tabata posibel cu ayudo di hopi persona, mucho hopi pa menciona.
Na cada un persona cu a tuma su tempo pa a prepara nan auto of brommer, e pueblo di Aruba cu tabata presente na Linear Park, un danki na boso cada un.
E combinacion di potretnan ta ilustra algun di e autonan cu tabata presente.
