Home Salud Na Aruba e bacterianan cu tin ta birando hopi resistente

Na Aruba e bacterianan cu tin ta birando hopi resistente

899
0
SHARE
- Advertisement -

Dr. Yuri Casseres: Pesey tin heridanan cu ta complica pa cura

ORANJESTAD  (AAN): Un informacion hopi importante cu a bin dilanti ta cu Wonden Poli na Dr. Horacio Oduber Hospital a ripara cu na Aruba e bacterianan cu tin ta birando hopi resistente.

Asina e ciruhano Dr. Yuri Casseres a revela. El a bisa cu pesey hopi herida cu ta ocasiona den hospital of pafo di hospital ta bira heridanan cu no por cura masha facil. Pesey den e Departamento di Wonden Poli tin hopi herida cu ta complica, avanza.

Sinembargo, Casseres a expresa cu nan ta contento cu departamento tin e tecnologianan avanza pa trata e heridanan aki. “Nos ta toch un di e islanan cu nos mester ta proud di dje cu nos tin ainda tur e productonan cu por trata e heridanan avanza cu na otro caminda di mundo tambe nan tin, pero cu hopi caminda sigur den Caribe no tin cu nos por uza pa trata e heridanan of cura nan mas lihe tambe”.

Pa dos aña caba tin un diabetische voetenpoli. Esaki ta un poli special pa pashentnan cu tin heridanan na pia. Eynan tin un team completo di ciruhano, internista, docter di revalidatie, nursenan di diabetes, etc cu ta traha hunto pa trata e pashent den un fase prome pa preveni cu mester amputa e pia, Dr. Casseres a splica.

- Advertisement -

DUNA COMENTARIO

Please enter your comment!
Please enter your name here