Home Enseñanza “Nos kier moderniza nos enseñanza, pa hisa e grado di e nivel...

“Nos kier moderniza nos enseñanza, pa hisa e grado di e nivel di scol cu nos pueblo ta logra”

152
0
SHARE
- Advertisement -

Gina Ras de Kort:

ORANJESTAD(AAN): Dialuna a tuma lugar e Dia Nacional di Estudio di Scol Arubano Multilingual, unda cu maestronan di scolnan preparatorio tabata na Renaissance Convention Center pa haya diferente workshop, charla y presentacion.

DIARIO a entrevista Gina Ras de Kort, coordinador di seccion guia di Departamento di Enseñanza, cu ta e seccion cu ta sostene scolnan den implementacion di innovacion.

El a splica cu e teamnan di scolnan preparatorio a haya diferente orado kendenan a splica kico innovacion di Scol Arubano Multilingual ta encera.

Tambe nan a haya un splicacion pakico esaki ta wordo haci.

“Nos kier moderniza nos enseñanza, pero no djis pa ta moderno, sino pa den e proximo añanan nos hisa e grado di e nivel di scol cu nos pueblo ta logra”.

Esaki segun Ras de Kort, kende a splica cu e maestronan por a scoge for di 6 workshop practico, cu ta cosnan cu siguiente dia caba nan por cuminsa implementa den nan klas.

“Implementacion di Scol Arubano multilingual ta encera cu ta duna tur 4 idioma cu ta biba den nos pais e lugar cu e tin tambe den e poblacion”.

“Ta berdad cu mayoria di nos muchanan tin e idioma di Papiamento como nan idioma materno of di dos idioma, pero tambe Ingles, Spaño y Hulandes ta hunga un rol hopi importante den nos comunidad”.

Esaki segun ras de Kort, kende a sigui bisa cu tur e 4 idiomanan aki ta wordo treci den e forma cu e ta biba den comunidad cerca di e muchanan, haciendo uso di e base di Papiamento, cu ta e idioma cu mayoria di nos muchanan tin como idioma materno.

- Advertisement -

DUNA COMENTARIO

Please enter your comment!
Please enter your name here