Home Turismo y Hoteleria “Nos kier ta mesun servicial na nos coleganan cu nos guestnan”

“Nos kier ta mesun servicial na nos coleganan cu nos guestnan”

30
0
SHARE
- Advertisement -

General Manager Vasco Baselli di Hilton Aruba Caribbean Resort & Casino 

ORANJESTAD (AAN):  Na Hilton Aruba Caribbean Resort & Casino, Team Member Appreciation Week a tuma lugar bao capa di e propuesta corporativo di Thrive@Hilton, un programa ofreci na coleganan di Hilton na tur nivel den e 105 paisnan y teritorionan cu e empresa ta opera.

Thrive@Hilton ta diseña pa sostene e mayor desempeño dentro di e team, for di e front-desk team, pa crewnan di housekeeping y tambe maintenance. E tempo aloca pa reconoce nan compromiso tabata planea pa departamento di Human Resources y el a inclui un variedad di actividadnan comunal cu proposito di reduci stress y aumenta bienestar den tur e departamentonan.

Coleganan tabata reuni cada dia, cu e intencion di crea un espacio pa relaha nan mente, curpa y spirito cu weganan den e Morris Lapidus Grand Ballroom un dia y un coffee break cu tema di Carnival riba e otro; a reta nan den challenges di departamento vs departamento diario y a deleita e team cu un non-alcoholic happy hour na final di e siman.

Miembronan di e resort team ta e esencia di e experiencia cu Hilton ta ofrece y asina nan ta carga e peso mayor di su exito. Appreciation Week ta diseña pa sirbi nan, como un plataforma dinamico pa intercambio di ideanan y involucracion, ademas di e alegria obvio.

“Nos kier ta mesun servicial na nos coleganan cu nos guest,” General Manager Vasco Baselli ta conta, “y Appreciation Week ta un di e maneranan pa yuda nos atrae y retene talentonan grandi, como cu e ta resalta nos hotel como un bon lugar di trabou, digno di nan dedicacion.”

 

- Advertisement -

DUNA COMENTARIO

Please enter your comment!
Please enter your name here