Home Bites Nova Medical Center a habri na Santa Cruz

Nova Medical Center a habri na Santa Cruz

369
0
SHARE
- Advertisement -

ORANJESTAD (AAN): Diabierna atardi DIARIO tabata presente na Santa Cruz, unda cu net patras di e edificio di Botica Maria a tuma lugar apertura di un centro medico nobo.

Docternan di cas Kenneth Croes y Corina Rolfast tabata presente pa ricibi invitadonan na e ocasion special di apertura.

Nova Medical Center a haci su soft opening desde comienzo di September caba.  E centro medico ta consisti di dos consultorio di Docter di Cas, un Fysiotherapie, y un Partera.  Nova Medical Center ta ofrdce un prikpost di Laboratorio di Servicio.

“Nos ta un centro cu profesionalnan hoben, dinamico, y cu ta traha den bon relacion cu otro teniendo e liña di contacto cu otro specialismo paramedico mas cortico,” a ser splica na DIARIO.

Dr. Corina Rolfast tin desde April 2018 un consultorio na Dakota, y awor el a muda pa e localidad nobo aki.  Como cu Dr. Kenneth Croes a cuminza un consultorio completamente nobo, e tin hopi cupo pa pashent por inscribi.

Desde 1 di October tambe, partera Stephanie Daal (AMARE) a uni cu Nova Medical Center.  Stephanie Daal tin su consultorio na Eagle, y awor tambe na Nova Medical Center.

Fysiotherapista Monica Platiau pronto lo uni cu e team.  Laboratorio di Servicio tambe ta ofrece nan servicio di prikpost for di 6’or di mainta te cu 12’or di merdia.

DIARIO ta desea esnan di Nova Medical Center tur clase di exito.

 

- Advertisement -

DUNA COMENTARIO

Please enter your comment!
Please enter your name here