Home Gobierno Pa cambia e modelo di test di Mammogram pa Ultrasonido cu ta...

Pa cambia e modelo di test di Mammogram pa Ultrasonido cu ta mas eficaz

366
0
SHARE
- Advertisement -

Minister Dangui Oduber den combersacion cu AZV:

ORANJESTAD (AAN)– Den cuadro di “Dia Internacional di e Lucha contra Cancer di Pecho” cu lo wordo observa mañan, Diasabra 19 di October, di parti di prensa a haci pregunta pa Minister di Salud Dangui Oduber.

Esaki mirando cu na Aruba e casonan di caso di cancer na pecho no ta bahando, mas bien tin indicacion cu nan ta aumentando, y cu tambe tin cierto incidencia cerca hombernan tambe aunke den un proporcion hopi mas abao.

Tambe tin e hecho cu tin un trend aworaki, specialmente den paisnan di America Central y Sudamerica, di elimina mas tanto posible e mammogram pasobra estudionan cu oncologonan moderno ta haci, ta mustra cu e test aki ta un carga cancerigeno, y e alternativa nobo tambe ta e ultrasonido cu, ta parce cu e ta mas efectivo.

Ademas cu mester tene cuenta cu e edad pa casonan di cancer ta bahando. Pues cancer na pecho ta hayando victimanan den edad prome cu 40 aña caba.

Minister Dangui Oduber, a expresa cu enberdad e realidad ta cu e cantidad di casonan di cancer na pecho, na Aruba ta mustra hopi halto, en comparacion cu otro paisnan den Caribe y na mundo mes.

Esaki ciertamente ta un preocupacion cu tin den e cadena di cuido na Aruba, unda tin diferente fundacion cu ta trata di preveni e cancer na pecho, como tambe e cancer di prostate pa loke ta regarda hende homber.

E fundacionnan aki ta encurasha e hendenan muher cu tin 40 aña bay ariba, pa anualmente haci mammogram pero no obstante, e mandatario ta di acuerdo cu mundialmente, e trend ta cu no ta haci mammogram mas, pero ta uza ultrasonido.

E mandatario a declara cu el a mustra AZV e deseo pa na Aruba tambe bay den e direccion di ultrasonido. El a subraya cu e cancer na pecho por wordo preveni y cura si e ta wordo detecta den un estado primario.

Y den e sentido aki tambe su ministerio ta bay bin cu campañanan di concientizacion y brinda informacion pa comunidad ta conciente pa haci chekeo regularmente, y ta hende homber den edad di 40 aña y mas haci nan control di prostate y e damanan pa haci nan mammogram pero e ta den combersacion cu AZV pa cambia e modelo aki y haci ultrasonido cu ta mas efectivo aworaki, y duna un mihor resultado y por anticipa un problema hopi prome cu un mammogram.

Interesante ta cu e mandatario ta conciente cu na Aruba tin personanan cu bao di 40 aña ya caba ta sufri di cancer na pecho. El a papia cu AZV pa considera cuminza cubri e test pa personanan di tur edad. E mes a conoce hende cu a fayece di cancer na pecho na un edad relativamente jong, bao di 30 aña.

El a comenta cu gobierno ta den proceso di revisa henter e legislacion di AZV, pasobra e ta un ley hopi anticua pa wak unda por adapte na beneficio di e aseguradonan.

- Advertisement -

DUNA COMENTARIO

Please enter your comment!
Please enter your name here