Home General Pa ley Mike ta complice di tur caso cu el a tene...

Pa ley Mike ta complice di tur caso cu el a tene secreto

60
0
SHARE
- Advertisement -

El a cay den su propio trampa ora el a bay hunga sabi

*Ley ta exigi ciudadano denuncia casonan penal na autoridad

*Ministro Presidente no por permiti acto ilegal di ministernan

ORANJESTAD  (AAN) — Den un show unico, Mike Eman a bolbe duna muestra di e forma cu e ta manipula cu informacion pa asina haya pueblo na su fabor. Antayera el a presenta atrobe na publico pa anuncia cu e hecho cu autoridad a cuminsa un investigacion contra Benny Sevinger ta motibo pa AVP bay entrega keho contra tur politico di otro partido cu lo a of ta comete hecho castigabel.

Mike Eman a cay den su propio trampa ora el a bay hunga sabi y presenta un serie di frasenan inteligente di otro personanan pa asina e por a ataca Ministerio Publico cu a cuminsa un investigacion den negoshi cu propiedad di Aruba, den cual no solamente a otorga tereno pero tambe lo mester tabata tin intentonan pa bira rico a base di e terenonan di pueblo.

Suela di Aruba ta sumamente sagrado pa ley, cu tin stipulacion special con gobierno por bende, huur of duna tereno den erfpacht y kende ta beneficia di e transaccionnan.

Mike Eman, rondona pa su siguidonan di custumber di cual algun cu a carga puesto cu a hiba nan hopi cerca di Fiscalnan y Ministerio Publico, a cay den su propio trampa.

Mientras Mike Eman tabata propaganda un sabiduria cu cual e por a manipula pueblo manera ta su custumber, el a cay den su propio trampa y ta haci posibel pa polis, como fiscal auxiliar, detene y exigi su persona splica kende a comete cual crimen.

Tur ciudadano tin un responsabilidad grandi den combatimento di crimen. Ley ta exigi pa tur hende cu ta na haltura di un hecho castigabel, entrega un denuncia na autoridad.

Mike Eman a lansa un menasa y a crea e impresion cu e tin prueba di crimennan cu a wordo cometi pero cu AVP nunca a entrega na Ministerio Publico pasobra supuestamente AVP no ta “kere den persecucion politico” ni hunga cu nomber di hende inocente.

Pues aki Mike Eman directamente a duna di conoce, cu e y AVP por tin conocemento di crimennan cu a wordo cometi pero cu nan no a denuncia na autoridad, manera ley ta exigi.

Cu otro palabra, Mike Eman mes a condena su persona y su partido na momento cu publicamente el a admiti cu e tin secreto scondi pa Husticia.

Si esaki ta di berdad e caso,  Mike Eman y su partido ta complice di e actonan contra ley, pues crimen cu a wordo cometi pero cu nan no a denuncia y asina a permiti pa criminalnan keda den libertad y sigui comete crimen.

Mike Eman y AVP a declara nan mes culpabel di un acto sumamente serio. Si esaki a sosode cu cualkier ciudadano, ya e ta deteni.

Na mes momento como ex Ministro Presidente Mike Eman a acusa su mes persona di no a cumpli cu su funcion.

Ley ta exigi pa un Ministro Presidente percura pa den su gobierno no tin desaroyonan contra ley ni casonan penal. Na momento cu como Ministro Presidente Mike Eman tabata na haltura di casonan ilegal, e mester a tuma accion y actua contra e persona en cuestion pa finalmente si tin  motibo entrega denuncia.

Autoridad awor mester atende cu e caso aki pasobra ta sumamente alarmante cu un ex Ministro Presidente, tin casonan ilegal, criminal, scondi pa Husticia.

 

- Advertisement -

DUNA COMENTARIO

Please enter your comment!
Please enter your name here