Home Turismo Pabien Aruba cu apertura di Hyatt Place Airport Aruba

Pabien Aruba cu apertura di Hyatt Place Airport Aruba

31
0
SHARE
- Advertisement -

Minister Otmar Oduber:

ORANJESTAD (AAN):  Minister Otmar Oduber ta felicita e desaroyadornan, como tambe Hyatt cu ta partner di e desaroyadornan, cu un proyecto cu a inicia na 2016.

Minister Oduber tabatin e honor di por a cana e tempo ey cu defunto señor Cano cu tabatin e intencion pa cumpra un ‘eigendom terrein’ cu tabata banda di aeropuerto y cu a haya sosten di Gobierno e tempo ey.

Ademas ta felicita colega Minister Dangui Oduber como Minister di Turismo cu durante e ultimo dos añanan aki a guia e proyecto pa por a yega na e momento exitoso di e apertura di e hotel e siman aki

Hyatt Place Aruba Airport ta un hotel sumamente bunita, un edificio cu un ‘look’ hopi moderno cu ta complementa e inventario di cambernan cu tin na Aruba. E hotel ta unico den su estilo mirando cu e ta situa net banda di aeropuerto. Di e forma aki cumpli cu y e meta desde inicio cu ta pa personanan cu ta bin Aruba pa algun dia, por haya un otro tipo di acomodacion.

Ya ta bezig cu un di dos fase, cual ta encera ‘Hyatt house’ patras di e Hyatt Place, como muestra di e confiansa cu Hyatt ta pone den nos Pais y di e desaroyadornan, pa cumpli cu un proyecto cu a sostene desde inicio. Minister Oduber a sigui splica cu conhuntamente cu defunto sr. Carlos Cano, ruman Luis Cano y socionan.

Desde inicio tambe a percura pa como condicion di e hotel cu bin na e sitio, pa e tin un renombre halto y esaki ta e mesun vision di Minister Dangui Oduber. Por mira cu e hotel ta core riba mesun liña cu otro proyectonan manera  St. Regis y Secrets Baby Beach Aruba.

Finalmente, locual cu a yena e momento di apertura cu mas emocion ta e hecho cu for di e 43 trahadonan cu tin na e momentonan aki na Hyatt Place, 42 ta hende local y e GM ta un persona Arubiano trahando pa mas di 30 aña cu Hyatt. Esaki ta mustra cu e corporativo ta pone confiansa tambe den nos hendenan local!

- Advertisement -

DUNA COMENTARIO

Please enter your comment!
Please enter your name here