PAHO a recomenda pa bin cu incinerator cumpliendo cu normanan cu ta garantiza calidad di aire

Dr. Salazar a indica

ORANJESTAD (AAN): Dr. Wilmer Salazar, kende ta un experto trahando na Departamento di Salud a laga sa cu un di e recomendacionnan cu PAHO a duna den su rapport ta pa instala incineratornan pa atende cu e problema di desperdicio na Aruba.

Esaki mester sosode, a remarca, semper y cuando ta cumpli cu e normanan cu ta garantiza calidad di aire y cu no lo bay tin contaminacion di suela y di awa.

Ta buscando e manera pa cumpli cu e normanan local y internacional. Un incinerator, por ehempel, mester tin un filter cu ora e huma ta sali, tur material toxico ta keda eynan y no ta bay den aire. Loke ta sali no ta contamina medio ambiente, Dr. Salazar a enfatiza.