Home Parlamento Parkietenbos tin chens di bira un parke solar pa hende cana y...

Parkietenbos tin chens di bira un parke solar pa hende cana y ehercita

566
0
SHARE
- Advertisement -

Henley Davelaar:

ORANJESTAD (AAN): Parkietenbos lo wordo sanea completamente na momento cu yega na un incinerator y un ‘sanitary landfill’, director di Serlimar, Henley Davelaar a duna di conoce.

Na e momentonan aki tin 3 destaho ta tumando lugar. Un pa e incinerator grandi, n pa e ‘sanitary landfill’ y un pa e saneacion di Parkietenbos.  Esey kiermen cu por pensa ariba un parke solar unda hende por cana pa ehercicio, Davelaar a indica.

Esey ta e idea na final di dia pero esey ta na momento cu tin e incinerator grandi instala  como tambe e ‘sanitary landfill’.

MONOPOLIO?

Ariba e cuestionamento relaciona cu monopolio di parti di Serlimar, Davelaar a expresa cu teniendo na cuenta e dumpmento di desperdicio residencial y comercial keto bay no ta bay mas na Parkietenbos. Esey ya caba ta bay na un tercer partido cu ta haci separacion di sushi y e balenan finalmente ta yega cerca Serlimar na Seroe Tijshi.

E parti di desperdicio comercial, esey ta yega ainda Serlimar y nan ta bay ainda na Parkietenbos. Pero esey poco poco ta bay minimalizando pasobra ta bay un caminda cu despues por bay den e incinerator chikito, a splica.

Kiermen poco poco ta bahando e cantidad di desperdicio cu ta bay na Parkietenbos y asina duna peso na henter e concepto di sanea Parkietenbos y yega na un solucion duradero pa pueblo di Aruba.

Na Seroe Tijshi tin hopi espacio ainda pa deramento di bales. Ta haciendo e maximo pa pone ‘liners’ y pone ‘gas pipes’. E idea di pone e ultimo aki ta pa e gasnan toxico cu ta sali di abao ta wordo procesa den e ‘gas pipe’ y loke ta sali den medio ambiente ta limpi tambe, e director di Serlimar a indica.

Esey ta e proceso cu ta bezig aworaki y ta purba mas tanto posibel pa cubri e balesnan ariba un base diario pa no haya efecto di huma y di candela y asina tene nan mes na un beheer plan cu tin pa maneha esaki na e manera mas mihor posibel, Davelaar a finaliza bisando durante un entrevista diaranzon den sala di Parlamento.

- Advertisement -

DUNA COMENTARIO

Please enter your comment!
Please enter your name here