Home Parlamento Parlamentaio Setty Yarzagaray educando pueblo tocante inflacion

Parlamentaio Setty Yarzagaray educando pueblo tocante inflacion

52
0
SHARE
- Advertisement -

ORANJESTAD (AAN) – Parlamentario Setty Yarzagaray, di fraccion di MEP, den conferencia di prensa a toca varios punto di agenda.

Na prome lugar el a felicita tur esnan tras di e idea di “Siman di Locura” di FADA, cu ta un siman di concientizacion riba consumo di droga.

El a felicita tambe tur esnan cu a contribui cu e ideanan aki, y muchanan di scol cu a bisti otro diahuebs cu diabierna pa sostene e campaña do concientizacion aki.

Seguidamente e parlamentario a elabora tocante e tema di inflacion. Yarzagaray a comenta cu e tema di inflacion ta masha “in y hot” e dianan aki pa diferente motibo, pero el a enfoca riba e informacion robes, cu e ta haya cu tin hende ta trece dilanti, specialmente politiconan cu ta suppose di sa mihor.

E dama parlamentario a subraya cu mas tanto e kier a trece e informacion rond di inflacion y  asina yuda educa e pueblo miho.

El a wak den medionan di prensa un grafico indicando con malo nan ta pensa cu gobierno ta bayendo, pa via cu nan ta rate pa medio di inflacion.

Parlamentario Yarzagaray a señala cu inflacion ta algo cu ta existi pa hopi tempo.E midimento ta wordo haci pa CBS unda nan ta calcula e diferencia di prijs, di alomenos 800 producto di un luna pa otro. El a bisa cu ta  hopi importante pa realiza cu cada un di e items ey, tin un factor di peso di un macuto di producto cu ta wordo midi na Aruba.

Por ehemplo, cuminda ta un di e factornan cu mas ta wordo critica pa pueblo. Esaki pasobra cuminda y bebida, den tur e porcentahe den henter e grupo di producto,  tin 11.3% di e peso den tur e calculacion di diferencia di prijs, pues den inflacion.

Tin otro tipo di producto, por ehemplo transporte, cu ta caya riba un 18.2%  di casi 20% di henter e pakete di productonan cu ta wordo midi. Esaki ta un peso hopi grandi, segun sra. Yarzagaray. Pero e parti di mas pisa pa e consumidor ta awa, coriente, gas, pago di huur di cas y hipoteca, cu ta un componente di 26% den full e macuto di producto  cu ta wordo midi pa asina yega na e diferencia di prijs y e indice di inflacion den un pais.

El a agrega cu practicamente tur e productonan cu ta crea inflacion, no ta traha na Aruba. Servicio ta unico sector, door cu Aruba ta biba di turismo, cu nos pais ta produci riba su mes.

Tin productonan den e macuto cu nan prijs ta keda fiho manera huur di vivienda, hipoteca y transporte Yarzagaray a señala, pero esnan volatil, cu mas ta move, cu ta fluctua ta cuminda y energia, aunke e prijs di coriente (segun e ta bisa) tambe ta mantene e prijs. CBS ta calcula un inflacion total di tur producto y ta calcula e asina yama “core inflation” purbando di elimina e factornan di prijsnan volatil tanto di cuminda como di energia.

Segun e parlamentario e ta trece esaki dilanti, pasobra e ta haya cu ta logico cu algun politico cu kier bruha tera, cu ainda ta den e mesun era di papia y bruha cos envez di yuda educa e pueblo, e ta keda manipula e pensamento di hende cu esaki ta e consecuencia di algo cu gobierno a haci. Den e caso aki e no ta totalmente berdad, e parlamentario a subraya.

- Advertisement -

DUNA COMENTARIO

Please enter your comment!
Please enter your name here