Home Parlamento Parlamentario Arthur Dowers ta haya cu Minister Bikker a bira mescos un...

Parlamentario Arthur Dowers ta haya cu Minister Bikker a bira mescos un Ambtenaar

360
0
SHARE
- Advertisement -

ORANJESTAD (AAN): Diaranson durante dia a tuma luga e reunion riba maneho di desperdicio na Aruba. Cu asombra por a tuma nota presencia di minister di Husticia Andin Bikker sinta henter dia den sala di Parlamento manera cu no tin problema di seguridad/ husticia den e pais aki, mas ainda pasobra cu e no tin ni arte ni parte di haci den e ley di Serlimar cu excepcion cu e tin cu firma mescos cu tur otro ora di pasa ley. En bes di bay atende cu su trabao.

Parlamentario Dowers ta comenta cu e ley cu ta tratando den Staten ta uno di 8 articulo cual ta algo basta chikito pero logicamente cu un embergadura hopi grandi y cu consecuencianan dramatico pa pais Aruba. Un ley cu ta forsa door di e minister.

Locual a capta atencion durante e reunion:

Mientras cu tin problema grandi den tur departamento di e minister aki. Prizon por ehempel ta den un situacion deplorabel despues cu Bikker a neglisha esaki pa dos aña. Cuerpo Policial cu masha hopi preocupacion/ incertidumbre pa falta di liderazgo, mientras e minister ta cera deal pa “fix” su hendenan rond di dje cu e famoso “We seal the Deal” pa placa por lora pero lamentablemente no por mira niun caminda e contenido mes pa cu maneho di husticia.

Sorprendente cu en bes di bay atende cu esaki, ta sinta henter dia den Parlamento ta haci nada.

Ta papia di un pais den crisis pero ta mira un prome minister y algun minister mas sinta den sala di Parlamento sin nada di haci. Biniendo di un siman for di New York ta yega sinta henter dia den Parlamento y segun Arthur Dowers lo ta pa pone presion riba e parlamentarionan di MEP p’asina nan vota of ta saca nan afo.

Por a presencia e prome minister ta instrui algun parlamentario tambe na kico pa bisa y purba na tene esnan di e otro fraccion den nan banda pa logra di pasa e ley e dia ey.

Dowers ta di opinion cu e Ley ey ta uno di ladronicia, caminda un hende lo bay chica miyones di e pais pero cu esaki tabata rekeri presencia di Minister di Husticia henter dia den e sala, esaki no tabata necesario.  Alarmante pa mira awo con turista ta keda viola/atraca/horta y den nan bista esaki ta parce di ta algo normal, sin cu por scucha di ningun banda un hende ta sali y condena esaki.

Segun Dowers, ta remarcabel cu “… e minister aki ta manera ambtenaar, ta drenta 9’or y ta sali 5’or pasa bar dal su betro despues bay drumi, si acaso hende bin cerca di su cas e ta yama polis pa nan y pa su mañan e mesun rutina pero pa locual ta trata e promesanan/ pelea contra criminalidad cu el a priminti no ta pasando y mucho menos e promesa cu crimen lo para riba nos isla.”

Un promesa descabeya cu nunca lo por a keda cumpli pero “momento bo priminti bo tin cu cumpli, cual e no por haci. Pueblo no ta paga un minister pa drumi y lepia, e tin cu lanta y carga su responsabilidad y si e no por haci esey e tin cu baha.” Frase cu sigur ta bin den memoria ya cu cada biaha cu e haya chens ta uza esaki contra Dowers.

“Persona cu a bay na Mike Eman pidi retiro y cumpra bachi den preparacion pa e puesto y awe ta hopi tin mescos wardand’e baha pa caba, manera entre otro Rocco cu te hasta bachi a cuminsa preta di e peso cu a subi,” e parlamentario di AVP a comenta.

 

- Advertisement -

DUNA COMENTARIO

Please enter your comment!
Please enter your name here