Home Economia Prijs promedio di electricidad pa vivienda a keda Afl. 265.65 mientras awa...

Prijs promedio di electricidad pa vivienda a keda Afl. 265.65 mientras awa ta Afl. 137.05

44
0
SHARE
- Advertisement -

Segun cifranan di CBS pa Augustus 2019

ORANJESTAD (AAN):   Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo. Na Augustus 2019 e prijs promedio pa bari di petroleo (US$ 55.17) a conoce un caida di US$ 2.11 (-3.7%) compara cu Juli 2019 (US$ 57.28).

E costo total di energia pa kWh pa un uso di electricidad te cu 500 kWh no a cambia na Augustus 2019, el a keda Afl. 34.52 cent pa kWh. E costo total di energia pa kWh pa un uso di entre 501 – 1000 kWh no a cambia na Augustus 2019, el a keda Afl. 35.72 cent pa kWh.

Adicionalmente, e costo total di energia pa kWh pa un uso di electricidad riba 1000 kWh no a cambia na Augustus 2019, el a keda Afl. 45.93 cent pa kWh. Prijs di electricidad y di awa no a cambia compara cu Juli 2019. Consecuentemente, e prijs promedio di electricidad pa vivienda a keda Afl. 265.65, mientras cu e prijs promedio di awa pa vivienda a keda Afl. 137.05.

Prijs di gasolin a registra un subida di Afl. 7.10 cent (3.4%) na Augustus 2019 y a causa un efecto di 0.15 ppt riba e CPI. Prijs di diesel a registra un subida di Afl. 3.00 cent (1.7%) na Augustus 2019 y a causa un efecto di 0.01 ppt riba e CPI.

Augustus 2019, utilidad, gasolin y diesel como grupo, tabata tin un subida di prijs di 1.0% compara cu Juli 2019 y hunto a influencia e CPI cu 0.16 ppt, mientras cu e restante 404 bienes y servicio hunto a experencia un caida di prijs di 0.5% y tabata tin un efecto di -0.42 ppt riba e CPI.

- Advertisement -

DUNA COMENTARIO

Please enter your comment!
Please enter your name here