Home Gobierno Prome Minister a reuni cu Minister di Economia y Turismo di Curaçao

Prome Minister a reuni cu Minister di Economia y Turismo di Curaçao

124
0
SHARE
- Advertisement -

ORANJESTAD (AAN): Diaranson mainta, Prome Minister Evelyn Wever-Croes y Minister di Economia di Aruba, Xiomara Ruiz-Maduro a ricibi e grato bishita di Minister di Economia y Turismo di Curaçao señora Giselle McWilliam.

Den sala di conseho di Minister, a reuni cu Minister McWilliam y su delegacion na unda cu a elabora riba diferente topico di interes comun pa ambos pais y riba colaboracion entre Aruba y Curaçao. Gobiernonan di Aruba y Curaçao ta trahando pa estrecha lasonan entre e dos paisnan y tur otro pais di Reino y traha hunto riba diferente tereno teniendo cuenta cu e sistemanan di ley di cada pais.

Minister McWilliam ta un otro hende muhe fuerte den politica cu recentemente a asumi e puesto di Minister di Economia y Turismo na nos hermana isla Curaçao despues di a ocupa e puesto como Parlamentario di e pais. Prome Minister Evelyn Wever-Croes a gradici Minister McWilliam pa su bishita y na su luga Minister McWilliam a expresa su gratitud na Prome Minister pa ricibi’e pa e encuentro ameno.

 

- Advertisement -

DUNA COMENTARIO

Please enter your comment!
Please enter your name here