Home Gobierno Prome Minister: “Tin un co-relacion entre AO y Overtime den e aparato...

Prome Minister: “Tin un co-relacion entre AO y Overtime den e aparato gubernamental”Prome Minister: “Tin un co-relacion entre AO y Overtime den e aparato gubernamental”

27
0
SHARE
- Advertisement -

Gobierno atendiendo esaki den consulta cu sindicatonan:

ORANJESTAD (AAN) – Prome Minister mr. Evelyn Wever-Croes, a declara den conferencia di prensa cu den sector publico tin un co-relacion entre AO (ausencia debi na malesa) y trahamento di overtime, y esaki tin su peso riba gastonan di gobierno.

E mandatario a haci e relacion aki despues di un hopi bon presentacion tocante AO den sector publico, cu SVb a haci na Minister di Finanzas.

E mandatario a sigui splica cu unda tin un nivel di ausencia laboral debi na malesa, hopi halto, tambe e overtime ta hopi halto, pasobra mester paga otro trahadornan oranan extra pa cubri e trabao di esnan cu ta malo.

Aki ta e caminda unda gobierno ta bay pone ambos factor hunto, y traha conhuntamente cu cada departamento, pa asina por atende cu e tema. E mandatario a subraya cu no ta husto pa e gastonan di gobierno sigui aumenta aunke tin cierto desaroyonan cu ta pone para keto un rato y admiti cu mester paga overtime.

Por ehemplo, ora di papia di asegura Aruba su fronteranan; e temanan di Imigracion, Warda nos Costa, etc. Esaki ta birando mas y mas serio awor cu e situacion di Venezuela a empeora, pero tin otro camindanan unda cu por mira cu tin un co-relacion cu demasiado casualidad e mesun hendenan ta bira malo pa otronan traha overtime y e ta sosode di manera reciproco.

“Esey, e pueblo aki no por keda carga mas. Talvez a cargue den pasado, of un gobierno den pasado kier a haci algo cu esey, pero no ta husto cu aworaki, pueblo tin cu paga pe”, Minister Presidente a enfatiza.

E mandatario a bolbe menciona cu gobierno ta trahando riba e co-relacion aki y awor cu tin e cifranan riba mesa, lo atende cu e tema aki cu hopi persistencia, pa yega na un solucion.

E dignatario a añadi cu esaki tambe ta un critica cu gobierno a haya di sector priva durante un “stakeholders session” cu nan a tene tocante e reforma fiscal. Sector priva a señala cu gobierno ta bin cu tur e cambionan ey pero pakico nan ta bin cu nan: si ta pa sigui paga overtime of gastonan di personal? E dignatario no ta kere cu sector priva ta completamente robes den esaki, pero e ta convenci cu pa trece un miho balansa pa Aruba en general, mester atende cu e tema di overtime.

Gobierno tin e rapport di CAft, el a reitera, tambe e rapport di e investigacion cu SVb a haci y nan ta trahando riba e co-relacion aki den bon consulta cu e sindicatonan, cu tambe ta realiza cu esaki ta un manera cu por baha gasto di un banda, y kizas por crea espacio cu tanto ta wordo desea pa haya ahustenan.

 

- Advertisement -

DUNA COMENTARIO

Please enter your comment!
Please enter your name here