Home Salud Prome Theta Wellness Center pafo di Merca a habri na Aruba

Prome Theta Wellness Center pafo di Merca a habri na Aruba

55
0
SHARE
- Advertisement -

ORANJESTAD (AAN): Hopi ta esnan cu continuamente ta buscando pa identifica y evalua nan estado y condicion fisico y nan salud en general pero no ta haya e alternativa cu nan ta busca y ta hasta ta biaha bay afo pa busca  contesta ariba nan condicion.

Awor esnan cu ta interesa den nan salud na Aruba tin un alternativa cu yegada di Theta Wellness Center.

Theta Wellness Center ta ofrece diferente servicio entre otro un doctor naturalista certifica den remedi tradicional. Tambe diferente ekipo ultra moderno y sofistica.  Entre otro e Theta Chamber, e Hyperbaric Chamber, e Light Bed y tambe e AO Scanner.

Añanan atras, den e careda entre e Americanonan y e Rusonan pa conkista espacio, cientificonan Ruso a inventa un manera pa mantene e cosmonautanan saludabel pa mas tempo durante nan estadia den espacio.

E Rusonan a crea un ekipo di bio-resonancia cu por a midi e diferente frecuencianan di e curpa humano y a crea un database di miles di frecuencia saludabel cu nan tabata uza pa compara e frecuencia di e cosmonautanan cune y caminda ta necesario trece nan bek den balance.  Awe e AO Scanner cu ta wordo uza den Theta Wellness Center tin e mesun tecnologia aki.

Na Rusia por ehempel, den termino precision y exactitud, e AO Scanner ta wordo considera den e mesun categoria cu un MRI, CT Scan, Ultrasound y diferente publicacion cientifico a documenta e precision di e AO Scanner.

Theta Wellness Center ta ofrece e oportunidad unico di combina e tecnologia ultra moderno cu e ciencia tradicional bou di un solo dak.

Theta Wellness Center ta situa na L.G. Smith Blvd, pabou di Aruba Tourism Authority (net pabou di oficina di Notaris Yarzagaray) y a habri su porta e luna aki.

- Advertisement -

DUNA COMENTARIO

Please enter your comment!
Please enter your name here