Home General Quota Picnic Dansant celebrando su di 10 aniversario

Quota Picnic Dansant celebrando su di 10 aniversario

62
0
SHARE
- Advertisement -

Quota goes BOHEMIAN

ORANJESTAD (AAN):  Quota International di Aruba ta den pleno preparacion pa nan di 10 aniversario celebrando Fundraising a la Picnic Style.

E aña aki tin como topico “Quota goes BOHEMIAN” e damanan dinamico di Quota ta preparando pa e gran dia aki trahando “dreamcatchers” pa asina ta parti di e decoracion.

E idea ta pa e comunidad di Aruba bin pasa un atardi sumamente agradabel y alaves contribui cu e bunita proyectonan cu Quota tin caminda cu tur locual cu recauda pa e fundraising lo wordo duna bek na comunidad.

E evento aki lo tuma lugar diadomingo 3 November, 2019 na Renaissance Convention Center

di 12:or di merdia pa 5:or di atardi. Quota conhuntamente cu e chefnan di Renaissance ta cla pa presenta un delicioso cuminda y pa 4or di atardi lo tin es dushi sopi di pampoena.

E mehor bandanan lo ta presente, Robert y su Solo Banda Show, Tsunami y Minitega Genie.  Ta bay tin premionan masha atractivo manera 2 ticket pa Miami, danki na Maduro & Sons.

Quota tin premio tambe pa e “best dress”. E tema ta ‘BOHEMIAN” asina ta, bini uno bini tur a la Bohemian Style pa gana e mihor premio.

Ta bay tin varios otro premionan cual Quota ta gradici tur instancianan cu ta contribui cu esaki. Quota ta bay tin tambe varios dreamcatchers cu nos muchanan di Orto Center a traha cual lo ser bendi e dia aki pa asina nan por haya fondo.

Quota ta invita pueblo di Aruba en general bin pasa un dushi atardi cu tur nan miembronan.

- Advertisement -

DUNA COMENTARIO

Please enter your comment!
Please enter your name here