Home Gobierno Si gobierno no domina su gastonan di personal nunca lo por sali...

Si gobierno no domina su gastonan di personal nunca lo por sali for di e problema financiero

322
0
SHARE
- Advertisement -

Prome Minister mr. Evelyn Wever-Croes:

ORANJESTAD (AAN) – Prome Minister mr. Evelyn Wever-Croes, den conferencia di prensa a expresa cu e ta sinti cu informacionnan ta wordo duna di manera incorecto, y den e contexto di deficit y gastonan di personal, el a haya importante pa den e rueda aki bolbe papia riba e tema.

E referi na e protocol cu a keda firma cu Hulanda y Gabinete Wever-Croes na aña 2018 unda a yega na cierto palabracion cu ya caba a wordo haci cu gobiernonan anterior, pero cu nan no a tene nan mes na dje.

Un di e palabracionnan aki tabata e normanan nobo. Esaki ta implica cu e aña aki Gobierno por cera cu un deficit di 25 miyon florin, pero pa otro aña e lo bira un surplus di 25 miyon, y gobierno ta trahando riba esey. Asina e dignatario a señala. Gobieno no a cera e gap completamente, pero e ta bayendo den bon direccion, Prome Minister a subraya.

GASTONAN DI PERSONAL:

E mandatario a splica cu e otro palabracion tabata riba gastonan di personal. Tocante e tema aki, Gobierno di Hulanda a purba di yega na palabracion den pasado caba cu otro gobiernonan, pero no a logra esaki.

“Nos mes, den nos propio ‘Financieel Economische Memorandum’ den e relato cu nos a publica casi un aña prome cu e protocol a wordo firma, nos a identifica gastonan di personal como un problema serio pa e situacion financiero di gobierno.

“ Si nos no domina e gastonan di personal y no logra baha nan, nos no ta sali nunca for di e problema financiero di pais Aruba”, Minister Presidente mr. Evelyn  Wever-Croes a subraya.

El a comenta cu ainda tin hende ta puntre di con e ta worry cu e problema financiero, pasobra tur pais tin debe.

E dignatario a señala cu gobierno tin su vision y e kier bin cu su ideanan y plannan con pa saca nos pais padilanti.

“Nos no kier ta un pais cu ta keda depende di Hulanda den tur cos cu nos ta haci. Nos no kier pa Hulanda tey constantemente bisa kico pa haci kico no haci. No! Nos kier para riba nos pia. Pesey nos a lucha pa Status Aparte”, e Premier a expresa.

E dignatario a subraya cu desde e tempo ey Aruba ta lucha pa esaki, y awor mester demostra, como pais madura, cu e por para riba su pia y cu e tin derecho enberdad y cu orguyo carga e Status Aparte, pa cual a bringa asina tanto.

Minister Presidente a subraya cu gobierno no kier pa Aruba ta un pais yen di problema financiero y cu e pueblo ta sufri.  Pesey baha e gastonan di personal ta hopi importante.

MANEHO:

Prome Minister a reitera cu pa prome biaha den historia un gobierno a traha un maneho pa baha gasto, y e no ta facil.

Departamentonan di gobierno a pone hopi empeño pa controla e gastonan y un di elementonan di nan ta e tema di overtime.

El a splica cu gobierno a duna CAft e autorizacion pa haci p’e un investigacion tocante overtime. Recientemente gobierno a haya e rapport y den dje a mira e analisis cu nan a haci, cu ta practicamente igual na esun cu gobierno mes a  haci. CAft a bin cu proposicionnan tocante kico pa haci pa por domina e tema di overtime, pasobra si e ta keda escala tambe ta forma parti di e gastonan di personal.

SITUACION DI AO:

Basa riba e rapport cu gobierno a ricibi di CAft, Minister di Finanzas a reuni cu SVb, cual a duna un hopi bon presentacion riba loke ta wordo yama “ausencia debi na malesa” den e aparato gubernamental, y por mira cu tin un corelacion entre overtime y AO.

- Advertisement -

DUNA COMENTARIO

Please enter your comment!
Please enter your name here