Arlene Ellis-Schipper
ORANJESTAD (AAN): Consehero Huridico local, Arlene Ellis-Schipper, a mustra ki cambio e ley di Serlimar lo trece.
Segun Arlene, e ley ta introduci un heffing cu ta pa tur hende, mescos cu e ley bieu. Tambe a bin cu un ophaal vergoeding.
E experto huridico a splica cu abo como cliente no mester paga e “ophaal vergoeding” si acaso otro persona of instancia ta piki bo sushi.
Tambe el a papia riba e importancia di e ley pa un solucion integral pa e problema di desperdicio na Aruba. E ley ta masha importante, pasobra pa bo por haci un solucion integral, bo tin di fortifica Serlimar pa duna cabez na tur tipo di solucion cu kier implementa.
Hecho ta cu ya caba Serlimar ta tratando tur desperdicio. Y actualmente na Aruba tin hopi compania cu ta piki sushi, pero esun cu ta bay ricibi y trata tur sushi, realmente tur cos ainda ta bay pa Serlimar.
