Home Enseñanza SIMAR ta convoca docentenan pa reunion extraordinario awemainta ariba indexering

SIMAR ta convoca docentenan pa reunion extraordinario awemainta ariba indexering

81
0
SHARE
- Advertisement -

Presidente Josephina Albertus:

ORANJESTAD (AAN) – Diahuebs atardi SIMAR a convoca un rueda di prensa, pa haci un yamada na tur maestro y docente pa bin awe mainta di 7.30 pa 9.00 na SIMAR, y participa den un reunion extraordinario, informativo, tocante e tema di Indexering.

E Presidente di SIMAR, Josephina Albertus a hiba palabra durante e rueda di prensa y el a bisa cu tambe el a tuma nota cu Diahuebs, dos diferente school bestuur cu ta SOPB y SKOA, a manda carta pa nan maestronan, informando nan cu nan ta bay aplica “no work no pay”.

Albertus a señala cu e reunion aki no ta bay ta un encuentro largo, y a agrega cu si nan ta aplica e “no work no pay” e cantidad di placa cu nan lo no haya, ta hopi tiki en comparacion cu, si logra indexering.

Sra. Albertus a subraya cu SKOA a malinforma su docentenan, door di bisa nan cu nan ta responsable pa informa mayor y opvang di e alumnonan.

“Y nos kier referi cu esaki na un carta cu Minister di Enseñanza mes a manda, cu ta data di dia 5 di Augustus, unda ta wordo bisa cu un schoolbestuur ta responsable pa e studiantenan”, sra. Albertus a remarca.

E presidente di SIMAR a splica cu esaki ta conta ora un maestro ta pidi un ATV dagen, of si e ta malo, of ora nan tin cu asisti na un reunion extraordinario.

El a duna otro ehemplo unda cu diferente scol di DPS a manda un carta na mayornan di e alumnonan, informando nan cu awe, scol ta cuminza pa 9.30 or.

Nan ta mustra cu eynan si nan ta tumando e responsabilidad di opvang e muchanan awe.

Sra. Albertus a señala cu e motibo pa cual SIMAR a yama e conferencia di prensa aki, ta pasobra nan ta bezig cu diferente sindicato, unda nan ta bezig cu gobierno riba e parti di indexering.

El a menciona un acuerdo bilateral di 2014, unda ta bisa cu depende si tin inflacion of no, lo por bolbe wak na aña 2019 si por bin indexering.

Ora SIMAR a wak na cuminzamento di aña un informe di CBS cu a mustra un inflacion di 3.6 cu ya caba a pasa 5%(e ta na 5.1) y door di esey e sindicatonan a acerca gobierno pa nan bin cu un propuesta y bisa cu nan ta pidi 3.6%, y wak ki contra propuesta gobierno ta bin cune.

Sra. Josephina Albertus ta lamenta cu aworaki, na October, pues siete luna despues, te ainda no a tende nada di gobierno.

SIMAR ta haya cu ta su deber como sindicato pa bay bek cerca e maestronan pa informa nan cu, eigenlijk, nan no ta yegando ni un caminda.

Pesey nan a mira cu awe ta e momento pa informa tur docente pasobra como sindicato nan por pone un reunion den oranan di trabao.

Cu otro palabra, SIMAR no ta haciendo nada ilegal pero algo cu nan mag haci y hasta ta tine tempran pa despues di 9’or tur docente ta bay bek scol y les ta sigui manera ta normal.

- Advertisement -

DUNA COMENTARIO

Please enter your comment!
Please enter your name here