Home Cultura Stichting Rancho: “Trabaonan duro ariba restauracion di forno di kalki ta tumando...

Stichting Rancho: “Trabaonan duro ariba restauracion di forno di kalki ta tumando lugar”

65
0
SHARE
- Advertisement -

Cu ayudo di trahadornan di PNA:

ORANJESTAD (AAN) — Prensa hunto cu representantenan di Parke Nacional Arikok a wordo invita pa Stichting Rancho, pa observa tur e preparacion tumando lugar, pa e reparacion di e forno di kalki.

Clifford Rosa, Presidente di e Fundacion a expresa su gratitud pa e hopi atencion cu nan a ricibi pa e trabao aki, y a gradici tambe Fondo di Monumento y Oficina di Monumento, pa su colaboracion pa e proceso aki por a inicia.

E no a keda sin menciona Parke Nacional di cual a haya un colaboracion valioso, y den un acto simbolico nan a shake man, sin cu esaki mester di un MOU of firmamento riba papel, cu hopi biaha no ta funciona, segun Rosa a expresa.

Aki ta trata di un grupo di persona cu ta interesa pa conserva Aruba su herencia, y incluso e trahadornan di PNA a pone disponibel, no solamente a pasa den e tayernan di trabao pero tambe ta hendenan asina apasiona cu conservacion y restauracion di monumento cu actualmente ta dunando un man, y sr. Rosa ta kere cu sin esaki e trabaonan lo no tabata avanzando.

Clifford Rosa a bisa cu den e siman aki e kier encurasha comunidad completo, pues no solamente di Rancho pero di tur parti di Aruba pa pasa duna un man, pasobra mester di esaki pa culmina e trabaonan di restauracion di e monumento e fornu di kalki.

“Pero tambe ban educa nos mes con ta bay atende cu esaki pa futuro. Pa nos e reto ta con nos ta bay conserva esaki pa futuro. Nos ta pidi comunidad, y e bario completo, mirando cu esaki ta un punto central, cu semper nos a wak’e como un punto negativo, pero cu ta e punto unda nos mester cuminza wak e parti mas positivo”, Clifford Rosa a expresa.

El a subraya cu esaki ta un dia hopi grandi pa e fundacion mirando cu nan ta cerando un palabracion cu PNA pa nan trahadornan por duna un man na e trabao duro cu ta tumando lugar actualmente, pa transforma y conserva e forno di kalki.

 

 

- Advertisement -

DUNA COMENTARIO

Please enter your comment!
Please enter your name here