ORANJESTAD (AAN): Diaranzon anochi, Super Do it Center tabata tin un tremendo ‘shopping night’ unda a keda introduci oficialmente nan ‘Christmas Department’.
E evento aki tabata solamente pa miembronan, kendenan por a mira henter e showroom di locual Super Do it Center tin pa ofrece durante e temporada bunita aki.
Marketing Manager di e tienda, Gilner Dirksen a indica cu e aña aki un biaha mas lo por haya un variacion di articulo, pero mas grandi cu aña pasa.
A tene cuenta cu e trend di color cu ta silver, blanco, turquoise y tambe biña. Esaki ta un proyecto cu a cuminza na Januari caba. E team di compra a cuminza wak cu locual tin y nan tabata selecta e productonan cu ta bin di diferente caminda rond mundo.
Asina cu e productonan a yega Aruba, e team di vloer tabata esun encarga di pone nan den reki bunita manera por wordo aprecia.
Dirksen a anuncia cu e aña aki tambe nan ‘Black Friday’ dia 29 di November ta bay ta mas grandi y e aña aki ta bay tin hopi sorpresa cu no kier divulga ainda. Pero loke si por bisa ta cu e local lo habri 6 or di mainta cu mas specials y hopi sorpresa den tur tres tienda.
Diaranzon hopi hende a acudi. Tabata tin free snacks, wine tasting y diferente special.
Super Do it Center tin tur locual bo mester pa decora bo cas den e temporada di Pasco y tur producto ta exclusivo, Gilner Dirksen a duna di conoce.
