Home General Ta bay cuminza reuni cu bendedornan pa refresca e reglanan relaciona cu...

Ta bay cuminza reuni cu bendedornan pa refresca e reglanan relaciona cu benta di vuurwerk

43
0
SHARE
- Advertisement -

Rubin Ponson di DOW:

ORANJESTAD (AAN):  Rubin Ponson, di e departamento di explosivo di DOW a laga sa cu a tuma lugar un reunion cu participacion di tur e departamentonan concerni esaki den cuadro di e temporada di fin di aña.

Ponson a bisa cu e reunion aki mas tanto tabata tin di haber cu un palabracion cu nan ta purba haci atrobe entre e departamentonan pa nan tur ta ariba e mesun linea pa ora e temporada yega di benta di clapchi e controlnan por bay mas facil.

Ta bay tin ponemento di container , etc y e comision kier cuminza sinta cu e bendedornan tambe pa splica nan kico ta loke nan mester bay cumpli cune y kico nan lo por spera di e departamentonan, Rubin Ponson a splica.

Pa loke ta e cantidad di containers a señala cu e containernan banda di otro pa e comision no ta mucho problema. E bendedornan lo mester wak esey pa nan mesun benta. E comision ta wak mas tanto loke ta seguridad y si e ta cumpli cu e rekisitonan di seguridad cu mester tin.

Segun Ponson, nan lo keda tene control ariba e tipo di clapchi, peliger, sonido, entre otro y esey ta na momento cu nan ta wordo importa. Tanten cu pasa a test ey, e clapchinan lo por wordo bendi na publico.

Si tin explosivonan cu no ta pasa e test di seguridad, e comision tin cu bay wak for di unda e clapchinan aki ta bin, a remarca.

Tur aña tin diferente aspecto cu ta bin dilanti cu mester drecha. Hopi biaha ta haya e clapchinan y e bendedornan ta benta e cahanan pone pafo siendo cu tin reglanan pa esaki, por ehempel.

Pesey tur aña e reunionnan ta na su lugar pa refresca e reglanan y pa keda ariba e bon caminda, a indica.

Pa hopi aña reglanan nobo no a bin y pa hopi aña ta trahando cu e mesun reglanan. Loke ta pasa ta cu tin biaha tin tiki personal pa controla e lugarnan, pero e reglanan ta poni y si ta wak cu un hende no ta cumpli mester atende nan pa e tipo di cosnan aki, a bisa.

E experto a agrega cu na momento cu pone un container pa bende vuurwerk, ultimo dia di bendemento ainda tin dos siman pa por move e container aki y bay ward’e na un otro sitio. Nunca na e lugar di benta di vuurwerk no por keda para ningun container eynan.

Tin biaha ta sosode cu e container por a keda stroba den un parkinglot of stroba e bista ariba caminda. E regla ta poni y ta mustra e hendenan cu nan mester cumpli cu e reglanan, a enfatiza.

- Advertisement -

DUNA COMENTARIO

Please enter your comment!
Please enter your name here