Home Parlamento Ta importante cu nos ta tribi di bisa cu alcohol, e droga...

Ta importante cu nos ta tribi di bisa cu alcohol, e droga legal, ta esun cu ta causa mas daño

56
0
SHARE
- Advertisement -

Ricardo Croes:

ORANJESTAD(AAN): Parlamentario di RED Ricardo Croes tabata presente na e celebracion di 35 aña di existencia di Fundacion Anti Droga Aruba.

DIARIO a entrevista Croes y el a splica cu e ta hopi contento di e ricibi e invitacion.

“Mi ta contento di ta presenta awenochi y scucha e palabranan treci dilanti”.

“Mi ta corda e tempo cu ami a cay den droga y awor mi a caba di scucha riba e videonan e diferente motibonan y mi ta reconoce e motibonan den mi infancia y den mi bario,  den tur e cosnan cu mi a pasa prome cu mi a tuma e decision robez ey”.

Esaki segun e Parlamentario, kende a bisa gracias na Dios cu el a recupera bek y awor por ta parti di Parlamento.

“Ora cu e problema di droga a cuminza saca su cabez rond mundo, no tabata tin internet y no tabata tin conocimento”.

“No tabata tin rehabilitacion, programanan di alcoholics anonymous of narcotics anonymous”.

“E problema ta cu droga no ta discrimina”.

“ A base di e problemanan cu e adictonan tabata tin, programanan manera alcoholics anonymous y narcotics anonymous a lanta, rehabilitacionnan a cuminza y experiencianan a wordo comparti”.

Esaki segun Croes, kende a sigui bisa cu a base si esaki otro personanan cu no necesariamente a cay den e vicio tambe a cuminza participa.

“Mi ta contento di scucha señor Sprock duna danki na Gobierno pa e sosten di FADA y mi ta contento di scucha cu e mentalidad ta cambia y habri, pasobra bida ta dinamico”.

“Nos no ta papiando di droga solamente ora nos ta referi na substancianan ilegal, sino nos ta tribi di bisa cu alcohol, e droga legal, ta esun cu ta causa mas daño”.

“Esaki ta cambionan indispensabel pa progreso riba e tema aki, no solamente den pais Aruba”, segun Croes, kende a bisa cu ta importante pa FADA sigui haci su trabao y sigui papia cu e muchanan, pasobra cada piedra lo construi un cas bon.

- Advertisement -

DUNA COMENTARIO

Please enter your comment!
Please enter your name here