Home Labor Ta premira cu pa fin di October DPL lo ta full cla...

Ta premira cu pa fin di October DPL lo ta full cla na Engelandstraat

27
0
SHARE
- Advertisement -

ORANJESTAD (AAN):  Tin algun desaroyo tumando lugar cu a retrasa pa DPL habri na Engelandstraat, den e mesun edificio di Enseñanza pa Empleo.

Rony Irausquin, director di Departamento di Progreso Laboral a duna di conoce cu nan e cera e oficina unda nan tabata prome, na APFA na Sero Blanco.

Nan a cera pa motibo cu nan mester a muda. Esey ta e motibo pa cual tin varios dia cera. A pone com fecha 1 di October pa habri na Engelandstraat y despues pa dia 7 di October, pero mirando cu e contratista a confronta cu cierto contratiemponan cu material cu no a yega na tempo.

E ora mester a tarda un poco mas di e fecha cu inicialmente e stipula. Irausquin a bisa cu tur cos ta casi cla.  “E doñonan a priminti nos cu entrante dialuna, nos lo ricibi e yabi (…) E unico cos ta cu asina cu nos haya e yabi, nos no por duna e servicio ainda mirando cu despues di esey nos mester bay haci e parti di netwerk y e parti di Setar. Y na momento cu nos ta cla nos ta bay avisa esaki”.

DPL no ta full para, Ronny Irausquin a indica. Nan tin un filial na San Nicolas y eynan nan ta duna cierto servicionan. Nan ta bezig trahando tur e servicionan cu tabata tin y via DAO ta yama tur hende pa bay busca nan advies tambe.

Tambe na San Nicolas por bay haci entrega di peticion pa yena vacatura. Locual no ta duna servicio ta ora di entrega un vacatura pa motibo cu ainda no tin telefon na San Nicolas. Nan ta bezig cu esey tambe.

DPL tambe ta den e proceso pa cuminza cu varios cos online. El a bisa cu nan procesonan tecnologico ta bin for di DIA cu ta e departamento di gobierno encarga cu esaki. Tog a papia cu DIA ariba locual DPL ta desea.

Ronny Irausquin a laga sa cu e ta premira cu pa fin di October DPL lo por ta full cla na e localidad nobo.

- Advertisement -

DUNA COMENTARIO

Please enter your comment!
Please enter your name here