Home Policial Un corto circuito a causa candela riba dak di I Love Aruba

Un corto circuito a causa candela riba dak di I Love Aruba

378
0
SHARE
- Advertisement -

Ferdinand Ponson, vocero di Brandweer

ORANJESTAD (AAN): Vocero di Brandweer, Ferdinand Ponson a informa cu pa 4:35 Central a haya un alarma, relaciona cu un candela na Diamond’s International, pero na yegada di e prome unidad di bombero, apenas seis minut despues, bomberonan a constata cu tabata trata di un candela riba dak di tienda I Love Aruba.

E vocero a splica cu e candela a wordo causa pa un corto circuito di wayanan, cu consecuencia cu esaki ocasiona e candela y a kima e dak.

E candela no tabata grandi y tabata bao di control di bomberonan. Pa motibo cu tabata trata di algo di coriente, nan a kita coriente como medida di prevencion pa e otro tiendanan.

Ponson a indica cu Elmar a kita e coriente y diabierna mainta DTI lo pasa controla e situacion, pa e tiendanan por haya aprobacion pa habri bek.

- Advertisement -

DUNA COMENTARIO

Please enter your comment!
Please enter your name here