Home General Un total di 22 container cu vuurwerk ta bay yega Aruba

Un total di 22 container cu vuurwerk ta bay yega Aruba

17
0
SHARE
- Advertisement -

Ferdinand Ponson di Brandweer:

ORANJESTAD (AAN):  Diamars tabata tin un reunion cu e comision encarga cu e nenta di vuurwerk.

Ferdinand Ponson, Vocero di Cuerpo di Bombero, a indica cu esaki ta e di 6 reunion pa e aña aki unda e departamentonan concerni ta sinta papia over di e reglanan.

A indica cu e aña aki no ta bay tin cambio den e reglanan. A entrega un raport y ta bezig trahando ariba dje pa drecha poco poco loke a wordo treci dilanti.

Ponson a laga sa cu tin un total di 22 container ta yega Aruba. E ultimo ta bay yega dia 6 di December.

E ultimo dia cu un container cu vuurwerk por drenta Aruba ta dia 30 di November. Pero apesar di esaki, dia 31 di November, 5 container lo ta yegando Aruba,  dia 1 di December lo yega otro y e resto lo drenta dia 6, a señala.

Ta hincando den e maneho cu asina cu containernan yega despues di e fecha stipula lo tin un boet pisa y pa e ora tene cuenta cu esaki pa e containernan yega segun e fecha stipula. Esaki tin di haber cu trabaonan cu DOW mester haci na WELA y mas laat e containernan yega, mas e trabao ta bira, a remarca.

MAS PETICION PA SHOW

Ferdinand Ponson a agrega cu pa e fin di aña aki cu ta e cambio pa 2020, mas pedidonan pa shownan di vuurwerk ta drentando y e shownan aki Brandweer mester tene cuenta cu nan pa wak unda nan ta wordo teni y tambe cu e parti di naturaleza como cu e parti di seguridad.

Pesey ta pidi cooperacion di pueblo, di mayornan y maestronan pa splica e muchanan for di awor caba pa papia over di cendemento di vuurwerk.

Ta dunando lezing na diferente scol ariba esaki. No kier pa sosode loke aña pasa a tuma lugar unda muchanan den bario ta tira clapchi y tin accidentenan ta pasa. Esaki ta cosnan cu kier evita, Ponson a duna di conoce.

CAMBIONAN PA OTRO AÑA

Tin cambionan cu ta bay bin y kier mara esakinan den ley. Nan no ta bay ta aplicabel pa e aña aki completo. Tin cosnan chikito cu mester pone den ley relaciona cu seguridad, entre otro.

Pa otro aña, e cambionan aki lo ta den funcion caba. Aworaki ta mucho laat caba pa por hinca den ley tur e cambionan aki y presenta nan na e importadornan y bendedornan, a bisa.

 

 

- Advertisement -

DUNA COMENTARIO

Please enter your comment!
Please enter your name here