ORANJESTAD (AAN)- Stichting BOB Aruba kier agradeci tur nos participantenan di e “Walk for the Cure” cu a tuma lugar den e ruta di Anker na Sanicolaas riba diasabra 12 di October cu a cuminsa pa 7or di anochi y a termina pa 9or di anochi.
E caminata aki a luci cu tur participante den nan shirt roos uniforma asina aportando y treciendo concientizacion riba tema di cancer di pecho.
Stichting BOB Aruba a motiva comunidad pa pasa un tempo agradabel den famia y na mes momento disfrutando di e naturalesa cu Aruba tin di brinda nos y mas ainda sacado potret na Anker como recuerdo. Por bisa cu e caminata tabata sumamente exitoso y kier gradici un y tur cu a forma parti di e caminata.
Consientisa e comunidad di e importancia di participa na e programa di screening di pecho cada 2 aña cerca Stichting BOB Aruba.
E screeningsprograma aki ta yuda detecta iregularidadnan den pecho mas tempran posibel. Un mamogram na tempo por salba bo bida.
Na mes momento organisando e caminata aki pa por recauda fondo. Fondonan cu ta sumamente necesario pa Stichting BOB Aruba por keda duna e hende muhernan di Aruba, entre 45 aña cu 75 aña di edad- e miho servicio posibel, pa traha mas riba e proyectonan di awareness y pa e mantenimento di e mashinan.
