Pa e turistanan descubri Aruba di antaño:
ORANJESTAD (AAN) – Den entrevista cu Fernando Mansur, director di House of Mosaic, na Parke Arikok, el a comparti cu DIARIO tocante e desayuno special, y e diseño cu hopi glamour y antiguedadnan, di e breakfast special tipo bankete, cu a wordo prepara pa ricibi un grupo di turista na PNA.
Mansur a describi con a set up e decoracion di e breakfast den Parke Arikok, cu hopi antiguedad den dje, cu fruta riba mesa, y e desayuno riba su mes.
El a comenta cu Aruba Takeover e prepara e breakfast cu otro experiencia pa e grupo, cu ta “influencers” hopi importante, pasobra ta nan ta haci e promocion den exterior, door di e impresion cu nan ta bay cune for di Aruba.
Esaki ta un evento cu nan ta haci hunto cu ATA, pa por bende Aruba den exterior. El a duna di conoce cu esaki ta un Breakfast yama “E Bankete di Alonso de Ojeda” cu cual ta celebra cu el a descubri Aruba na aña 1499.
E mesa mes ta sugeri un bankete unda por mira fruta, artefactonan y buki bieu di dr. Hartog, unda e hendenan por wak Aruba di antaño. Tambe por mira un enciclopedia, entre otro obhetonan antiguo. Esaki ta duna un concepto riba kico tabata un bankete di Alonso de Ojeda e mainta cu el a lanta na Aruba. Den e decoracion a pone algun potret di e conkistador.
Tabata tin entre diez pa diescinco persona pero e capacidad total ta pa 30 hende. E color cu a resalta, den tur e tera, ta e berde.
