Home Ciencia y Tecnologia Alumnonan di EPB-Hato a wak e transito di Planeta Mercurio dilanti solo

Alumnonan di EPB-Hato a wak e transito di Planeta Mercurio dilanti solo

56
0
SHARE
- Advertisement -

Space & Nature Aruba Foundation cu bunita actividad:

ORANJESTAD (AAN) – Den entrevista cu DIARIO, sr. Jeremy Maduro, Presidente di Space & Nature Aruba Foundation y docente di EPB a splica tocante e actividad astronomico cu tabata tin den EPB-Hato, pa e alumnonan por a mira e transito di e Planeta Mercurio dilanti solo.

E alumnonan a haya un lectura chikito unda nan a wordo splica kico ta e transito y con por descubri otro planetanan; despues nan a bay pafo y por a wak, atravez di telescopio, con e transito planetario ta sosode.

E transito ta e momento cu un planeta ta pasa dilanti di e solo, y esey ta loke a sosode ayera, unda por a wak un punta preto dilanti di e solo. E fenomeno aki no ta sosode regularmente, Jeremy a splica. Pa Mercurio ta sosode cada 14 aña y te aña 2032 por mire na Aruba atrobe.

Jeremy a splica cu e Planeta Venus te aki 100 aña por wak su transito atrobe. Esey ta e cosnan straño cu no ta tur ora por haya nan pa wak. El a splica tambe cu e informacion aki ta wordo haya online, y for di NASA mas tanto.

Space & Nature Aruba Foundation ta haci e observacion aki na scol, pasobra el a bira miembro di e Union Astronomico Internacional, y nan ta bin cu e opdracht pa duna astronomia na scol, y nan ta pa pidi pa entre 10 cu 20 di November, pa haci un actividad di astronomia na scolnan.

Como cu sr. Jeremy Maduro ta docente na EPB, a dicidi pa haci e actividad na EPB Hato. El a comenta cu na cuminzamento e alumnonan tabata un tiki esceptico pero ora nan a wak via e telescopio nan a entusiasma y a haci yen di pregunta, y pa prome biaha nan a pasa e experiencia aki. Sr. Maduro ta considera esaki hopi exitoso.

EXOPLANET:

Ademas di e actividad menciona, sr. Jeremy a duna di conoce tin un Exoplanet competition, unda por scoge entre 11 nomber cu a wordo pre-selecciona door di hendenan di Aruba mes, cu a manda esaki na e fundacion. Ya e votacion a cera, pero el a splica cu esaki ta bay bira e nomber di un sistema solar cu lo haya un nomber na Papiamento.

Na Januari proximo, lo anuncia e nomber di e exoplanet y e lo bay acompaña cu un evento. Nan semper a haya hopi interes riba nan actividadnan y obligatoriamente, mester busca mas boluntario pa yuda e fundacion, pasobra cada bez nan ta haya mas hende, y zorg pa e actividad bira placentero.

- Advertisement -

DUNA COMENTARIO

Please enter your comment!
Please enter your name here