Home Enseñanza Alvin Howell a dedica 39 aña di su bida duna les na...

Alvin Howell a dedica 39 aña di su bida duna les na e studiantenan di OAA Beroepsonderwijs

453
0
SHARE
- Advertisement -

Na memoria di un gran docente

ORANJESTAD (AAN): Diasabra mainta dia 2 di November, docentenan di OAA a ricibi e tristo notica cu e docente Alvin Howell a fayace.

Nan no a pensa cu meneer Howell lo bay laga nos asina trempan. Un persona asina activo den su trabao y su bida priva.

Alvin Howell a nace  12 di maart 1948, meneer Howell ta un homber cu bini di un famia humilde di San Nicolaas kende a studia pa maestro di Elektrotechniek. Meneer Howell a cuminza traha na Martin Luther King School mas cu 40 aña pasa. Na aña 1980 meneer Howell a cuminza duna les anochi tambe pa Openbare Avondleergangen Aruba (OAA) Beroepsonderwijs. E tempo ey OAA Beroepsonderwijs tabata uza J.F.Kennedy school como scol. Despeus OAA Beroepsonderwijs a muda pa EPB.

Alvin Howell a dedica 39 aña ta duna les na e studiantenan di Openbare Avondleergangen Aruba (OAA) Beroepsonderwijs.  Si meneer Howell a keda na bida e a cumpli 40 aña ta traha pa OAA.

Te ainda eta e persona cu a traha mas largo pa OAA Beroepsonderwijs. Meneer Howell  a gusta duna les na e studiantenan di OAA. Tambe e tabata tin diferente conversacion riba tur sorto topico cu e studiantenan, over di famia, trabao studiamento  y special over di Chess y baseball. Chess y baseball tabata e pasion di meneer Howell. Meneer Howell tambe a motiva y inspira hopi studiantenan pa lorga na diploma y sigui nan estudio.

Hopi di su studiantenan tin un profesion di elektromonteur, supervisor, manager, maestro di scol y ingeniero.

Meneer Howell ta keda recorda como un persona hopi positivo, activo y cu a semper tuma su trabao hopi serio. E tabata participa na tur actividadnan di scol. Nos lo haya falta di meneer Howell (Mr. Atlanta, manera e tabata yama su mes).

Coleganan di OAA ta extende nan palabra di condolencia na e famia di meneer Howell y ta deseanan hopi forsa den e dianan difcil aki di parti di e coleganan cu a traha hopi aña cu meneer Howell.

Meneer Howell, R.I.P.

- Advertisement -

DUNA COMENTARIO

Please enter your comment!
Please enter your name here