Home arte y espectaculo Artista Karen Cheung di Hong Kong lo ta den Aruba Art Fair...

Artista Karen Cheung di Hong Kong lo ta den Aruba Art Fair 2019

114
0
SHARE
- Advertisement -

ORANJESTAD (AAN): Karen Cheung ta un artista auto-didactico ubica na Hong Kong, cu ta specialisa den pintamento cu inkt cu pen cu temanan di biahamento y topiconan cultural.

Su creaccionnan di arte y su imagen di arte ‘Karen Aruba Art’, a haya inspiracion for di e añanan di su infancia na Aruba na unda el a pasa cu su wela den añanan 1980. Debi na e hecho di a dividi su bida entre dos luganan completamente diferente, esta Hong Kong y Aruba, Karen ta duna un perspectiva unico riba bida y e balornan conhunto den e comunidad local.

E aña aki na April e artista a debuta cu su prome exposicion su so (‘Solo Exihibition’) na Hong Kong, cu e tema di su storia interesante di su infancia na Hong Kong y Aruba.

E 6 piesanan di arte lo ser entrega di Hong Kong pa Aruba pa ser exponi den ‘Aruba Art Fair 2019’.

Bida na Hong Kong y e bunita isla Caribense di Aruba no por ta mas diferente. E piesanan di arte di Karen ta encapara e discubrimento di e spirito, actitud y actividadnan entre ser humano, con nan ta maneha nan bida y simultaneamente mantene un relacion harmonioso den nan sociedad, no importa ken nan ta. Su ilustrtacion ta revela e estilo humilde di biba entre hende na Aruba: perseverancia, colaborativo y uni.

Aña pasa na december, Karen a regresa Aruba y a combersa cu varios persona Chines riba nos isla. Karen a bishita su scol primario y e restaurant cu tabata pertenece na su wela na Dakota.

Tambe el a entrevista algun miembro di e ‘Aruba New China Club Association’, e propietario di un supermercado y di un hardware store, p’asina trata di engrandece e comprondemento intimo di e comunidad Chines cu ta biba aki. Na april el a lansa su prome solo exposicion na Hong Kong, cual a genera hopi atencion den medionan di comunicacion. Uzando colonan atractivo combina cu scenarionan bunita, su ilustracionan ta capta storianan local distintivo y alavez ta mustra su amor p’e isla feliz aki.

“Mi wela y mi omo a establece hopi aña pasa na Aruba. Mi a biba na Aruba pa 1 aña, dia mi tabata mucha chikito. Awendia mi ta biaha fo’i Hong Kong pa Aruba, aunke e biaha ta largo. Mi ta stima e isla chikito aki, un mundo. E balornan di Aruba keto bay ta influencia mi pintamento awendia. Pa e motibo aki mi imagen di arte, ‘Karen Aruba Art’, ta comparti e balornan den relacion cu felicidad, paz y harmonia”, Karen ta relata.

Tin poco famia procedente di Hong Kong ta biba na Aruba. Pa prome biaha e artista di Hong Kong, Karen Cheung, lo expone piesanan di arte cu ta ilustra un cantidad di Aruba su bunitesa riba escenarionan den Aruba Art Fair 2019, cual ta tuma luga dianan 22-24 November na San Nicolas. Tur piesanan di arte ta na benta.

Aruba Art Fair 2019, lo ta den e cayanan di San Nicolas, November 22, 23, y 24, 2019. Cuminsando tur anochi pa 7 or na unda arte, musica, baile, y mas di 150 artista lo trece nan arte den un manera unico. 2019 lo marca asina e apertura pa e di prome lustro na 2020 cu ta culmina den e remodernisacion di Hooiberg na unda e 600 trapinan lo haya diseñonan di tur parti di mundo pa completa e obra di mas grandi di Mosaik den Caribe.

- Advertisement -

DUNA COMENTARIO

Please enter your comment!
Please enter your name here