Home Turismo Aruba a haya un preciosidad di Boutique Hotel

Aruba a haya un preciosidad di Boutique Hotel

493
0
SHARE
- Advertisement -

ORANJESTAD (AAN): Diabierna atardi, Ministro di Turismo Dangui Oduber tabatin e honor di corta e cinta pa re-apertura di Boardwalk Boutique Hotel Aruba.  El a haci esaki hunto cu e propietarionan, Stephanie Rooijakkers y Kimberly Rooijakkers, tamb Tisa LaSorte di AHATA, y Ronella Tjin Asjoe-Croes di ATA.

Boardwalk Boutique Hotel ta situa na Bakval, unda den pasado tabatin e famoso Plantage Tromp ubica.  Awor el a bira un hotel cu 46 camber di cual cada uno ta un ‘casita’ riba nan mes.

Nan tin 30 aña caba na e lugar aki, y awor e lugar a conoce un renobacion sumamente espectacular, cu piscina fenomenal, facilidad di fitness y spa, un lobby hopi atractivo.  E tabatin 14 casita den pasado, y awor a haya 32 mas.

Famia Rooijakkers ta doño di e Hotel aki.  E rumannan a nace na Aruba y di chikito a sa di balora e isla aki pa su naturaleza.  Y pesey mes awor Boardwalk Boutique Hotel Aruba a combina naturaleza y luho cu confort estilo Caribense y cambernan espacioso.

Awor nan tin diferente suite intimo, tambe algun grandi, y algun casita di 2 camber.  Tambe tin villa su so poni cu un piscina priva.  Tambe bo ta haya hamaca poni na tur casita, y hasta uno colga riba piscina.  Tur casita tin un barbecue grill.

E Hotel tin panel solar, bentananan cu ta mantene cambernan fresco, sistemanan pa uso eficiente di energia, y tur luz ta LED.

Gerencia a gradici CIBC Bank tambe pa e sosten financiero.

- Advertisement -

DUNA COMENTARIO

Please enter your comment!
Please enter your name here