Home Deporte Aruba a yega final pa prome biaha den Nations Cup

Aruba a yega final pa prome biaha den Nations Cup

125
0
SHARE
- Advertisement -

Historia haci durante Aruba Open Beach Tennis 2019

ORANJESTAD (AAN):  Un tremendo noticia a drenta indicando cu Aruba a gana Brazil, e campeonnan di 2018 pa loke ta Nations Cup 2019. Cu e victoria ey, Aruba automaticamente a pasa pa prome biaha den historia di Aruba Open Beach Tennis, pa un final.

Pa e ultimo añanan Aruba ta logra yega na semi-finals, pero nunca ta logra vence nan contrincante pa asina por hunga e final. Esey tabata un soño di cada un di e hungadornan, pa por hunga un final, durante un torneo asina grandi, y na cas. Esaki a pasa ayera nochi

Despues di cu e ekipo di damas a cai venci contra Brazil, a keda na e team masculino pa segura un victoria pa asina bay un set decisivo cu e mixed team. Aksel y Sander a percura pa esaki y a habri caminda pa Dominique Hopman subi veld bek cu Aksel Samardzic, pa hasi lo maximo pa gana pa bai final. Despues di un bataya duro, nan soño a bira realidad, pues di hunga final di Nations Cup. E celebracion tabata grandi.

No a tarda hopi, cu e dos teamnan cu a disputa e final a subi veld. Aruba contra Italia pa wak ken lo bai cu e titulo di campeon. Bo por a sinti e energia, no unicamente riba veld, pero tambe rond di e veld. Tur cu tabata presente a presencia un tremendo wega, pero lamentablemente e ekipo di Italia tabata demasiado fuerte y asina aki ta gana Aruba.

Cu e resultado aki, nos por unicamente aproba, cu nos hungadornan local ta riba e bon caminda. Cu nan por mira e resultado di tur nan esfuerso cu nan ta hinca den e deporte aki, pa nan ta bon prepara pa e tipo di eventonan grandi asina aki. E potret nan mes ta refleha e alegria riba cada un nan cara. Nos Sarah Quita Offringa, campeon mundial den surfing tabata tin e honor di entrega premio na e ekiponan

- Advertisement -

DUNA COMENTARIO

Please enter your comment!
Please enter your name here