ORANJESTAD (AAN) – Tin algun dia tras di lomba jena cu accion di e Aruba Beach Tennis Open 2019 di cual e ultimo competencia lo tuma lugar dia 17 di November.
Un team di colaborado a bin ta traha hunto pa garantisa un evento exitoso, incluyendo e propio compania di Aloe di Aruba, Aruba Aloe.
Aruba Aloe a hunga un rol importante den e entretenimiento anochi durante henter e torneo y ta ofreciendo descuento riba tur producto na e evento aki, incluyendo e protector solar nobo a base di mineral pa tene tur hende protegi di solo durante e dianan largo di e competencia.
E competencia annual, cual ta trece competidornan for di mas di 40 pais, ta e evento deportivo di mas grandi di nos isla. Door di atrae asina hopi bishitante internacional, ABTO ta hasi un contribucion significante na e economia di Aruba y tin un balor di mercadeo halto pa Aruba, promoviendo nos isla cu beach, deporte y diverticion.
Esnan cu a atende e evento aki a disfruta di algun dia di weganan emocionante hunga pa e mihor atletanan di beach tennis mundialmente, esaki hunto cu un ambiente di fiesta na compleho nobo, Bushiri Beach. Aruba Aloe a mustra su apoyo na e evento aki door di pone entretenimiento durante henter e ‘open’.
Actuacion local di Honeypot y Le Groove a tuma lugar caba na e Aruba Aloe stage durante e prome anochinan di e competencia, mientras cu D’licious, Tsunami, Party Time DJ Diablo y Nutbeatz tambe lo presenta durante e ultimo dianan di e evento aki. No perde e entretenimiento gratis aki di 9:30 pm pa 11:30 pm, cortesia di Aruba Aloe.
E ultimo dianan di competencia tambe lo brinda bishitantenan cu e chens pa pasa na Aruba Aloe su ‘pop-up store’, cual ta ofrece 25% di descuento riba tur producto, incluyendo nan protector solar nobo a base di mineral cual a wordo lansa na final di 2018, cual ta promete un cantidad impresionante di beneficionan.
E formula nobo aki ta safe pa coralnan y ta ofrece proteccion amplio di rayonan UVA/UVB, yudando asina pa evita envehecimiento prematuro y cancer di cuero.
E ta hypoallergenico, water-resistant y ta contene 1005 Aloe Vera Gel procedente di nan mesun Aloe field. Aruba Aloe ta invita tur hungador y bishitante pa bin conoce nan formula nobo di protector solar durante e evento aki.
E marketing manager di Aruba Aloe, Jessica Posner a bisa: “Falta solamente algun dia pa disfruta di tur locual e evento internacional aki ta ofrece.
Aruba Aloe ta encurasha tur hende pa bay wak e competencianan, disfruta di e entretenimiento durante anochi y pa hasi uso di e 25% di descuento na nan ‘pop-up store’ na e evento aki.
Aruba Aloe ta desea tur hende un experiencia unico y divertido na ABTO2019. No lubida cu e entrada na e evento aki ta gratis!
