Home General Aruba Cyber Crime Awareness Seminar cu tipnan valioso

Aruba Cyber Crime Awareness Seminar cu tipnan valioso

57
0
SHARE
- Advertisement -

ORANJESTAD(AAN): Diahuebs na Camara di Comercio a tuma lugar e asina yama Aruba Cyber Crime Awareness Seminar 2019.

DIARIO a entrevista Jurgen Hof, Director General di  NetPro Group na Bonaire, kende ta tambe vice presidente pa e Cyber Security Service di NetPro Group pa caribe y Latino America.

Hof a splica cu ora cu algun luna pasa el a wordo staciona na Bonaire y ora cu el a sinta na mesa cu entre otro empresarionan y coleganan di IT, a bin dilanti cu varios hende riba e islanan tin molester di atakenan digital.

Hendenan a hack nan sistemanan y varios hende a bira victima di  asina yama Ransomware, unda cu nan a haya nan mes ta paga basta placa, pa haya control bek di nan propio data.

Hopi hende a paga bastante placa, entre otro pasobra nan a haya berguenza di admiti cu nan a bira victima di e tipo aki di atake.

Tambe ta necesario pa nan haya control di nan data pa nan por sigui traha.

Hof  mirando esaki a bin cu e idea pa organiza un seminario, pa aumenta e concientizacion riba e hecho cu Seguridad Cibernetico ta hopi importante.

“Nos a dicidi di trece informacion y educacion pa tur e islanan di Reino, pa asina hende por haya e informacion corecto pa proteha nan mes mihor contra e tipo di atakenan aki”.

DIARIO  a puntra Hof kico ta algun di e tipnan cu ta wordo duna durante e tipo di seminarionan aki.

El a splica cu ta trata di tips cu for di hopi tempo caba nan ta duna hende.

Un di e tipnan ta pa bo haci uso di un bon password y no por ehempel 1,2,3,4,5, cual tin hende ta uza ainda.

Hof a indica cu ta mihor pa bo traha un frase como bo password manera: “mistimamicachohopi28 juli1978”.

Ta importante tambe pa bo haci bo updates.

“Hopi hende no ta update nan computer, nan celular of nan software y ta net e updates  ta pa preveni cu virusnan por drenta bo red”, segun Hof.

 

 

 

 

- Advertisement -

DUNA COMENTARIO

Please enter your comment!
Please enter your name here