Home Deporte Aruba Open Beach Tennis tabata super exitoso

Aruba Open Beach Tennis tabata super exitoso

34
0
SHARE
- Advertisement -

ORANJESTAD (AAN)- Diadomingo ultimo e evento mas grandi di deporte na Aruba y alaves e evento number uno di mundo, esta Aruba Open Beach Tennis 2019 a termina.

Bushiri Beach Arena, e localidad nobo pa e deporte de beach tennis, a pasa su test y a score un 100.

Pa loke ta trata e resultadonan, den categoria femenino, Giullia Gaspari (ITA), campeon di aña pasa, a retene su titulo, pero cu otro partner, kende tabata Sofia Cimatti (ITA). Nan a logra vence, sigur un ekipo cu a sorpresa hopi, esta Marcela Vita (BRA) y su partner Veronica Casadei (ITA) cu un score di 63 / 64.

Pa loke ta categoria masculino, Michele Cappelletti, kende a gana den 2017 hunto cu Luca Carli, un biaha mas ta team up cu Alessandro Calbucci pa purba haya su titulo bek.

Nan mester a enfrenta e duo campeon di 2018, esta Tomasso Giovannini (ITA) y Nikita Burmakin (RUS). Desde comienzo por a tuma nota cu Capa y Calbu, cariñosamente jama den e mundo di beach tennis, a domina e wega por completo.

Den dos set, cu score di 75 / 63, nan ta keda como e ganador nan maximo.

Asina ey e anochi e termina, cu e ceremonia di entregamento di premio y despues di esaki a sigi cu e after party.

Beach Tennis Aruba kier a gradici cada un di nos, cada un cu a participa, cada un cu a bay wak e weganan y asina aki aporta pa a hasi e evento aki uno sumamente exitoso. Otro siman ya caba lo anuncia fecha pa 2020

- Advertisement -

DUNA COMENTARIO

Please enter your comment!
Please enter your name here