Home Enseñanza ATHA presentando su dos set di carchi: di Pasco y di Aruba...

ATHA presentando su dos set di carchi: di Pasco y di Aruba pa aña 2019

23
0
SHARE
- Advertisement -

Pa stimula den alumnonan di scol e sinti di boluntarismo:

ORANJESTAD (AAN) — Asociacion di Trabao pa Hubentud Aruba (ATHA), a cuminza cu su tradicional proyecto di carchi di Pasco y di dibuhonan di Aruba, pa e aña aki, cu manera ta conoci ta wordo bendi pa alumnonan di scol, mas tanto den nan mes famia, bisiña y conocirnan.

. Cindy Kelly Mathilda, director di ATHA, a splica den conferencia di prensa, tocante e proyecto aki y a menciona cu e meta principal su tras ta pa stimula e mucha y hoben pa cuminza cu trabao boluntario na edad hopi abao ainda.

Esaki ta tuma lugar pa medio di e benta di carchi cu cual nan ta duna un aporte na ATHA. E fondonan cu ta wordo genera pa e proyecto ta wordo uza pa aporta na diferente proyecto den nos comunidad.

E aña aki a desaroya diferente proyecto dirigi na e hubentud pero tambe na organizacionnan cu ta miembro di ATHA.

Sra. Kelly a menciona cu no tin duda cu ATHA lo sigui cu e proyectonan na 2020 y e Asociacion ta conta cu e sosten di e mucha y hobennan pa por haci esaki, y cu na edad asina hoben ta conta cu e sosten di nan mayornan pa por yega na e meta.

E aña aki nan tin e carchinan caba unda nan tin un set di carchi di Aruba y un set di carchi di Pasco. Nan ta set A y set B cu ta na benta cerca alumnonan di diferente scol basico y secundario, y cada set pa un prijs hopi abao. Pa e prijs ta haya cuater carchi, pues ya sea 4 carchi di Aruba of 4 carchi di Pasco.

Sra.Kelly ta conta cu aporte di e personanan cu ta cumpra e carchinan for di e muchanan pa ATHA sigui desaroya proyectonan pa nos comunidad.

E director di ATHA a menciona cu e aña aki tin 15 scol cu ta participando den e proyecto.

Tin diferente compania cu pa añanan ATHA ta conta cu nan, cu nan ta cumpra e carchinan pa mustra nan gradicimento pa fin di aña, na nan clientenan.

Tambe por cumpra e carchinan na ATHA mes of manda un email y nan ta percura pa cumpli cu e persona su peticion.

Por cierto, DIARIO sa cu ta un tradicion tur aña, cu e prome pedido ta wordo haci door di Gobernador, y e ta wordo entrega na dje, durante un bishita di alumnonan cu un miembro di ATHA. Esaki semper ta na October, di cada aña.

Tambe ta bon pa recorda cu añanan anterior incluyendo 2018, e artista plastico Elvis Tromp a pinta e bunita imagennan di e carchinan di Aruba, pero DIARIO por a compronde cu e aña aki, esey no ta e caso.

Tambe ta asina cu durante e prome simannan di e siguiente aña e scolnan cu mas carchi a bende y e alumnonan cu a bende mas tanto, ta haya un premio di estimulo di ATHA y cu semper tin un compania cu ta haci e donacion. Hopi exito na ATHA e aña aki cu e bunita proyecto aki.

- Advertisement -

DUNA COMENTARIO

Please enter your comment!
Please enter your name here